السلام عليكم
انا الحمد لله ولدت بخير . كانشكر جميع الاخوات اللي كانوا كايجاوبو على اسئلتي طوال فترة الحمل.
بغيت نشجع الحوامل انهم يولدو طبيعي اللي ماعندهاش سبب يخليها تعمل القيصرية. فعلا الوجع قاصح ولكن الله كايعطيك القوة. نحاولوا نتدربو على الولادة قبل . ولكن من بعد ماكايخرج الجنين راه كاتحسي براحة وكايسالي كولشي وماكايبقى حتى شي ألم. انا ولدت بلغراز ولكن الحمد لله بخير
كل مرة كاندخل للطواليط كاندخل معايا الما دافي مائل للسخونية وكانغسل اولا بcandidax هو ماء للوضوء. ومللي كانشلل مزيان كانخلي شوية ديال الما كانخلطو ببيطادين وكانتوضا به. كاننشف بورق الطواليط غير بالضغط. فاش كاتتبولي حاولي ترخي وتحبسي ترخي وتحبسي هادا كايعاون على الشفاء ديال لغراز.
مللي كانسالي كانسد علي في غرفة ديالي ونحط مرايا قدامي ونفرش ونجلس قبالتها ونبدا العلاج
خوي بيطادين على الفتحة ديال المهبل وعلى لغراز ومن بعد زيدي الدوا لحمر اللي كاتعالجي به سرة المولود ونشفي بالسوشوار مزيان . من بعد زيدي غبرة (الداجنة او ماعرفت شنو اسمها) خسارة بيلفو مابقاش كايتباع فعال بزاف لعلاج الجروح
اللي ماعندهاش حساسية تحط فاصمة في فتحة المهبل باش الدم ماينزلش للغراز ويبقاو ناشفين. انا ماعملتهاش لان دغيا كانلتهب . راه النشوفية هي سر سرعة العلاج. ولبسي لكوش ديالك والسروال.
ايلا عملتي هاكدا من 3 ديال المرات في اليوم فما اكثر بلكثير 3 ايام تولي عادي طبيعية .
اللي عندها شي وصفة طبيعية لعلاج لغراز تكتبها لنا . انا سمعت ان الشيح فعالوباقي ماجربتو.
انا الحمد لله ولدت بخير . كانشكر جميع الاخوات اللي كانوا كايجاوبو على اسئلتي طوال فترة الحمل.
بغيت نشجع الحوامل انهم يولدو طبيعي اللي ماعندهاش سبب يخليها تعمل القيصرية. فعلا الوجع قاصح ولكن الله كايعطيك القوة. نحاولوا نتدربو على الولادة قبل . ولكن من بعد ماكايخرج الجنين راه كاتحسي براحة وكايسالي كولشي وماكايبقى حتى شي ألم. انا ولدت بلغراز ولكن الحمد لله بخير
كل مرة كاندخل للطواليط كاندخل معايا الما دافي مائل للسخونية وكانغسل اولا بcandidax هو ماء للوضوء. ومللي كانشلل مزيان كانخلي شوية ديال الما كانخلطو ببيطادين وكانتوضا به. كاننشف بورق الطواليط غير بالضغط. فاش كاتتبولي حاولي ترخي وتحبسي ترخي وتحبسي هادا كايعاون على الشفاء ديال لغراز.
مللي كانسالي كانسد علي في غرفة ديالي ونحط مرايا قدامي ونفرش ونجلس قبالتها ونبدا العلاج
خوي بيطادين على الفتحة ديال المهبل وعلى لغراز ومن بعد زيدي الدوا لحمر اللي كاتعالجي به سرة المولود ونشفي بالسوشوار مزيان . من بعد زيدي غبرة (الداجنة او ماعرفت شنو اسمها) خسارة بيلفو مابقاش كايتباع فعال بزاف لعلاج الجروح
اللي ماعندهاش حساسية تحط فاصمة في فتحة المهبل باش الدم ماينزلش للغراز ويبقاو ناشفين. انا ماعملتهاش لان دغيا كانلتهب . راه النشوفية هي سر سرعة العلاج. ولبسي لكوش ديالك والسروال.
ايلا عملتي هاكدا من 3 ديال المرات في اليوم فما اكثر بلكثير 3 ايام تولي عادي طبيعية .
اللي عندها شي وصفة طبيعية لعلاج لغراز تكتبها لنا . انا سمعت ان الشيح فعالوباقي ماجربتو.
