السلام عليكم كيف دايرين لباس عليكم توحشتكم انا الحمد لله تيسرو اوراقي مع زوجي في السعودية وانا مقيمة معاه وحامل قربت نولد بإذن الله تعالى.ليوم دخلت نسولكم على قبل موضوع صديقتي.هي متزوجة مغربي مقيم في المهجر ايطاليا كيجيها مرة في العام سيد كان كيطلب منها تعرضا له في كاميرة وووو هي من بعد ماتابت في أشياء عملتها معاه ماشي حلال رفضات العري وقالت له انا درت حجابي.وهو بحكم انه ديوثي بشهادة الجميع تعرف على وحدة بحالو استادة أولاده عبر الانترنيت عمل معاها علاقة وجا للمغرب كيتلاقا صديقتو قبل اولادو كيقولهم مثلا جاي الخميس هو جا الاثنين وقضا مع صديقتو تلك الأيام قبل ومراتو عارفة إلا الاولاد فقط.قالها ديري لي موافقة الزواج دارتها موثقة بعد ما واعدها يطلقها.مني دفع الملف رفضاتو المحكمة لان مراتو واولادو في صحة جيدة ومافي سبب للتعدد زوجتين بالمغرب وهو بالمهجر سنة كلها.من بعد دابا نقص لها مصروف مكايتهلاش فاولادو مع العلم ماعندو لا دار لا والو مسكنها مع أمه وهي يتيمة والأخ لي عندها فقط توفى في حادث عندها الله وأولادها. عافاكم هي بغات تمنعو من الزواج حتى يطلقها لانه دار محاميين هو وصديقتو ودابا آخر جلسة في شهر 9 لما يجي من المهجر باش يحضر.هي كتخاف منو كيحقرها وفي نفس الوقت قالها غانخليك معلقة انتي تاع دراري وهي تاع زنقة ولبيران والشراب.وماشي عدل انه يتزوج وهي تبقا ماتاعو ماتاع غيرو.قالها بغيتي تطلقي طلقي راسك وحدك ولكن غادي تضيع ماعندها فين تمشي والديها ماتو وهي صغيرة ومربيينها ناس وماعارفة لاخوالها لا عمامها. الله يحفظكم إلى ما عتقوها بشي معلومة تخرج رأسها من هدا المتوحش الديوثي.
↧