والله العظيم الأخوات إلى رجعلي شعري غزال حسن من كيف كان؟؟؟؟؟

السلام عليكم ورحمة الله وبركاته
كديرين الأخوات لباس عليكوم
بغيت نشركوم فرحتي...
باللي رجع ليا شعري غزااااااااال بعد معانات كبيرة من سبايغ و ليميش الحمد لله .......
مخليت مدرتليه من وصفات طبيعية الحلبة .البنان .حتى شي وصفة مانفعاتني ل شعري الناشف الخفيف؟؟؟حتى طحت على هاد الوصفة ف اليوتيوب.الله يجازي بيخير مولات الوصفة.بلا منطول عليكوم
بصلة متوسطة الحجم.يفضل البصل الأحمر.بجلوفها
جوج فصوص ثوم .بجلوفو
ثلاث ملاعق سدر.أو وراق نبق كطحونين
2ملاعق زيت العود
2 ملاعق زيد الخروع
إضافة من عندي كنزيد بيضة بلدية للطرطيب أكثر
كاس ماء
كتديري البصل الثوم ف شي كصرونة يطبخو فوق العافية زيدي الماء.الماء علا حب طول شعرك .كتخلي الخليط يتبخ شوية حتى يولي الون ديالو حمر
طفي عليه خليه حتى يبرد شوية
من بعد خلطي فشي إناء ثلاث ملاعق سدر زيت الزيتون زيت الخروع بيضة
ملي يبرد الخليط شويةصفيه خويه على السدر خلطي مزيان الخليط يكون بحال الحنة إلى خلطيها .متكون قاصحة متكون جارية بحال خليط الكيك
خليها ةاحد شوية
فرقي شعرك على جوج أطليها لشعرك أنتي كتدلي فروة الرأس
ملي تسالي ديري شي بوني ل شعرك ولا ميكة
خليها من 4سوايع حتال 8سوايع
غسليها مزيان .يفضل متديريش شامبوان حيت السدر أصلا فيه مادة صابونية
هاد الوصفة يفضل تديريها 2مرات ف الأسبوع


أه نسيت....من بعد دهني شعرك شوية بعد الحمام بزيت الخروع حيت هاد الوصفة ف الأول إقدر تنشف ليك شعرك


عافاكوم الأخوات دعيو معايا بصلاح الدرية