مشكل اختي فشكل

السلام عليكم ورحمة الله تعالى وبركاته ورمضان كريم لجميع الأخوات. ..مشكلة اختي بزاف منكم تقدر تبان ليه تافهة ولا تستحق اي اهتمام..لكن هي كاتفكر فيها بزااف..اختي مزوجة وديجا عندها بنت الله يحفظها ليها. فاش ولدات ماجى حتى واحد بارك ليها من غير انا والوالدين عندنا اخ عايش خارج المغرب وحتى العائلة علاقتنا بيهم محدودة وعايشين فمدن أخرى..المهم أغلبية لي جاو عندها من عائلة رجلها بزاف واحنا شي 6 ..وحماتها بدأت عليها وافين عائلتكم وحبابكم ماداها فيك حتى واحد ..الصالة عمرات غير بحبابي..واختي تأزمت وهي نفيسة..واش اعباد الله نمشيوا نحزرو الناس باش يجيو يباركوا ليها..العائلة كثيييرة لكن علاقتنا بيهم محدودة كانتلاقاو إلى كانت شي مناسبة كبيرة . ودبا اختي بغات تحمل وفاش كاتفكر كلام حماتها وحتى رجلها كايقوليها تزوجت واحدة مقطوعة من شجرة بحكم هما عائلتهم كبيرة وكايحضروا لبعض فمناسبات كبيرة وصغيرة..لكن حنا لا ماكيجي عندنا حتى واحد وجات فشكل نتصلوا بيهم ونقولوا فلانة ولدات اجيو تباركوا..هادشي خلا اختي كاتفكر اشنو يتسناها من بعد الولادة بإذن الله من معيور خصوصا ان النفسية كاتكون نفسيتها مهزوزة والاكتئاب قريب منها..اشنو بأن ليكم البنات فهادشي وسكون عندها بحال هاد الوضع وكيفاش كاتصرفوا فيه وشكرا