سلام عليكم الاخوات انا عندي واحد المشكل وبغيتكم تنصحوني عآآآآآآآآآآآفكم راه رابي مرضيش علي وخيفة بزاف. المشكل هو الصلاة. مبقيتش تنصلي مبقيتش تنقرا القرآن وحتى الايام ديال صوم لي كتسالني باقي مرجعتهاش هاد العام. هاد المشكل مرضني بزاف وحسة بربي مرضيش علي وممسهلش لي في اموري. كل مرا تنوض نصلي ولكن غير تنجلس تيتقالو عليا عضامي وتيجيني نعاس ومتكملش صلاة ديال النهار كولو. انا راه عارفة هادشي لي تندير حرام انا ديما تيضرني ضمير ديالي. انا ساكنا في الخارج هنا مكينش شي جامع ومعنديش صحابات لي تيصلو وزعما نتعونو على دين ديالنا. والله العضيم انا تنكتب ليكم هادشي وتنبكي ياربي توب علينا وهدينا صرات المستقيم. انا غير جالسة في الدار حتى القرايا و الامتحانات مبقيت تنحفض ليهم كولا نهار منين تنبغي نصلي ولا نحفض تيجيني نعاس وتنحس براسي مريضة. وليت غير سادا علي لبيت ديالي ومتندير والو تندير غير شي حاجة تافها. انا هاد الوضع مرضني بزاف خصوصا الصلاة. تنحس براسي الله مبقاش راضي علي هو الحمد لله عطاني كولشي لي تنتمى الحمد لله ولكن انا متندير والو. عافكم نصحوني كيفاش نشد صلاة ديالي وميفوتني حتى فرض. بغيت الله يتوب علي وندخل الجنة. انا خيفة لنموت في هاد الحالة. عافكم ساعدوني ومضحكوش علي الله يخليكم. شكون لي عندها نفس المشكل وشنو درتي وكيف وليتي تتدومي صلاة ديالك؟
اللهم أنت ربي لا إله إلا أنت خلقتني وأنا عبدك، وأنا على عهدك ووعدك ما استطعت. أعوذ بك من شر ما صنعت. أبوء لك بنعمتك عليَّ وأبوء بذنبي فاغفر لي فإنه لا يغفر الذنوب إلا أنت.
اللهم أنت ربي لا إله إلا أنت خلقتني وأنا عبدك، وأنا على عهدك ووعدك ما استطعت. أعوذ بك من شر ما صنعت. أبوء لك بنعمتك عليَّ وأبوء بذنبي فاغفر لي فإنه لا يغفر الذنوب إلا أنت.