نصيحة أخواتي الله يجزيكم بالخير

سلام أخواتي عواشركم مبروكة أنا قصدتكم و المقصود الله بغيتكم تعونوني في واحد المشكل لي عقدني في حياتي أنا مزوجة هادي 3 سنوات عندي ولدي عندو 2سنوات كنت عايشة مع راجلي مزيان وخا يوقعو خلافات ولكن ديما أنا لي كنتنازل المهم أنا حملت أو معرفتش راسي بلي حاملة حتا وليت كنحس بالأعراض قلتها ليه مشينا عند طبيب قالي بلي راكي حاملة في الاسبوع الثالث أنا تصدمت وهو كذلك ملي خرجنا من عند طبيب قال ليا أنا مبغيتش ها الكرش إنتيا درتيها ليا بلعاني باش تقليني قلت ليه أش هاد الهدرة هاد شي كتبو علينا الله قال ليا لا أبنت الناس نمشيو نحيدوه أنا رفضت مشيت مشينا لدار مبقاش كيهدرني مدة 15 يوم واحد النهار جات الأم ديالو وهو يقول ليها راها حاملة جات عندي قالت ليا لا معندكي مديري بولاد قلت ليه علاش إنتي ولدتي ولادك أ أنا بغا تحرميني قالت ليا أ لاله حنا بغينا غير هاد لولد يكبر ونتفارقو صدمتني مبقيتش جاوبتها مشات جا هو يقول ليا غادة غادية تمشي تحيديه راه شديت ليك موعد قلت ليه لا هادي راها جريمة قال ليا إلا مبغيتيش أنا غادي نخوي دار أشوفي شكون يصرف عليك هزيت تيليفون أهدرت مع بابا دا عندي حكيت ليه كلشي قال ليا صافي ابنتي مديري ف بالك والو مشا تلاقا معاه برا قال ليا بابا أنا كنهدر اهو مجوبنيش بصفة نهائية ملي جا عندي لدار بدا كيخوت ويقول ليا وصلتيها لولديك.....أنا دخلت لبيتي ودجلت ولدي وسديت عليا جا حيد ليا ناموسية وفراش قال ليا متنعسيش ليا ففراشي ومتكليش مكلتي.....قلت ليه واش حماقتي ؤاه دري كيشوف خدا مني ولدي أ تيليفون ديالي وخرج مرجع حتا 11 ديال ليل دا بحدو قلت ليه فين ولدي قال ليا ماشي شغلك ليوما بيا ولا بيك ناض هز حويجو كاملين وفراش تلفازة كلضي دارهم فواحد البيت وسد عليهم لغد جاب ليا ولدي وعيط لبابا قال ليه جي دي بنتك انا راه عندي خدما فطنجة مدة 20يوم مشيت لدارنا وجلست ودابا أنا باقا شهر ونصف معمرو سول أش غندير فيدوني عافاكم