زوجوني بزز منو... تحطمت

السلام عليكم حبوباتي انا عضوة فهاد المنتدى ولكن بغييت ندخل نطرح مشكيلتي بعضوية جديدة نظرا لان صحاباتي كاينين هنا ... المهم نبدا ليكم قصتي انا فعمري 19سنة كنت كنقرا مابيا ما عليا عندي السنة الاولى فالجامعة التخصص بيولوجيا كنت انسانة واثقة فراسها مدوزة مراهاقتها بحالها بحال اي بنت يعني دوزت حقي ولكن الحمد لله دائما عارفا حدودي كنت كنديير فالدري بحال شي كلب ونرميييه كنت واثقة واثقة فراسي بزاف عمر شي حد ضحك عليا اولا دارها بيا .... فاش كنت كانقرا فالسنة الاولى باك كنت تعرفت على واحد الشخص لي قلب ليا حياتي راسا على عقب دوزت معاه تقريبا 3 سنوات تغيرت فيها بزاف ردني للطريق الصحيحة ولييت ندير الفولار ولييت نلبس مستور شي حاجة سميتها سروال مبقيتش كنعرفها اولا مقزب... المهم هو حبني من كول نيتو مكنشوفوش مكنخرج معاه ما والو بيناتنا غير التيليفون . انسان تمناه اي وحدة من اخلاق من تصرفات من اي حاجة كنت انا اول وحدة فحياتو كنت فرحانة و اخيرا لقييت لي بغييت ولكن نسييت بلي الطيبون للطيبات والخبيثون..... انا واخا عمرني خلييت شي حد اقييس ولو شعرة مني الى انني مكنحسبش راسي من دوك الطيبات العفيفات... نهار لي غادي تبدل فييه حياتي هو نهار صاحبتي تزوجات أنهار العقد عرضات على صحاباتها امنهم انا جييت حضرت شافتني واحد المرأة سولاتني فاش كنقرا .. مهم اسئلة عادية روتينية ولكن ختمات بسؤال لي هو واش باغا تزوجي هههه بديت كنضحك قلت ليها هيا لقيتي ليا العرييس قالت ليا الى بغيتي قلت لييها مكنفكرش فالزواج هاد الساعة حتا نكمل قرايتي ونخدم قالت ليا سيري حتا تفكري مزيان كانت واحد صاحبتي استادة كالسا حدايا قالت ليا هاني كملت قرايتي اخدمت مخاصني والو ولكن باغا نتزوج سيري تزوجي احسن لك مهم فاش فكرت تاخدت قرار بزربة اقلت ليها واخا من بعد وراتني الصورة ديالو تما خرجو عنيا حييت بان ليا انسان انييق زويين حمقني صراحة حكمت من المظهر :) عطاتو نمرتي بقينا كنهدرو صيفت ليه تصاوري شافني عجبتو من بعد عطا نمرتي لماماه تاصلات بيا هدرات معاها ماما تفقنا الى جا فلكونجي للمغرب غادي اخطبني من بعد حتال الشهر 5 هادا لي جاي دابا عادا نديرو العقد . مهم هدرنا شي شهرين جا للمغرب فاش جا اخطبني دخلنا انا وياه نهدرو ونتفاهمو على بزاف د لحوايج وفاش كنا كنهدرو قال ليا نديرو العقد ويديني لدارهم حتا ارجع من الكونجي مرة اخرى و نديرو لعرس لمهم بدون تردد وبدون حتا منتشاور مع والديا وافقت بعد 3 ايام درنا العقد ومشييت مشريت لحوايج ل والو هو جاب كولشي من عندو غادي نتوقف هنا اغادي نرجع ليكوم اللور شويا نعاود ليكم على الشخص لي بدلني شنو كان مصيرو فاش كنت كنهدر مع الزوج ديالي كنت كنهدر معاه مكلت لييه حتا حاجا حتا جا الزوج ديالي خطبني عادا كلت لييه راني تخطبت اقربت نتزوج ولكن كلت لييه بلي دارنا بززو عليا بكا بكا بكا كاليا انا مستعد من غدا نجي نخطبك ولكن انا ناس مشاو اقادو وراقهوم مبقيتش قادرا نتراجع فقراري قلت لييه صافي والديا ققررو حطمتو بكيتو ودنوبو مزال فرقبتي مزال ضميري كيأنبني حييت ميستاهلش لمهم تزوجت زواج جاني بحال شي حلم زواج بزربة داز حتا صحاباتي مكانش عندي لوقت باش نعلمهم ونتوادع معاهم بل حتا قرايتي لي قريييت اتقاتلت خلييييتها بلا تردد جا صباح درنا العقد داني فلعشية كلشي خليتو مورايا حييت كيصحاب ليا بلي لقيييت لي اي وحدة تمناه حتا اخلاقو كانت مزيانة كلشي كان فييه مزيان . انا غادي نسكن مع دارو لي كنحسبهم بحال والديا حييت كيديرو ليا بحال شي بنت صغيرة لي بغيتها كتكون قدامي خاطرهم واسعة ضريفيين انا كنت خايفة نللقا معاهم مشكيل ولكن لقييت مشكيل مع راجلي لي وليييت كلما نشوفو كيخبي عليا تليفون اداير ليييه الكود كلما يهزو نجي نكلس حداه اقفلو ههههههههههه طبعا لمكلخ غادي يفهم هادي اه ونسيت مقلت ليكم بلي هو شرط عليا تلفون منديروش اقلت مدام حاجتي هيا حاجتو اشنو غاجي ندير بهاد تلفون بسلامة ههههههههههههههه ساعة تدارت بيا الراجل عمر تيليفونو جا على يددي ومع دلك كنكول احسني الظن يمكن مكاين والو غيير مولف الخصوصية ولكن هادشي غادي وكيتزاد حتال واحد النهار عطاني كنهدر مع ماما وهو ادخل لييه مساج فالفايسبوك من عند وحدة وانا نكوليه راه جاك مساج من عند فلانة سميتها لييه كاليا غيير لكروب هداك انا ضلييت مسالمة مبغيتش نبدا بصداع و شك... اولا نقلب لييه تيليفون ولكن عييت منصبر كنكول دابا يتبدل ولكن والوو عاد ما زاد فيييه ... كانت علاقتنا مزيانة بزاف عمرو حسسني بشي حاجة اولا شي نقص لي بغيتها كيجيبها ليا ولكن بعد المرات بحال الى مكنحسش بداك الحب معرفتش كنت مشطونة فعقلي من جيهتو .واحد نهار قلت لييه عطيني تيليفونك نشوفو دار ليا درس فالاخلاق قال ليا هادشي كيعني بلي كتشكي امكيناش تيقة ... بقييت ساكتة مجوبتوش بغييت نكوليه مدام انا كنشك انت مكديير والو عطيني نشوف ولكن صداع مكنبغييهش انا كنت عارفة كاينا شي حاجة ولكن ضلييت ساكتة وكنتصرف عادي ضاحكة ناشطة من بعد مامشا للخارج بقييت كنهدر معاه خلا ليا تابليييت عمرني مشيت فيها لشي حاجة اولا قلبتها حتال واحد نهار بقييت كندخل ل ضوسييات لي كايننيين ونا نلقا تصاور ديالو مع لبنات شكال وانواع هههه تصدمت ولحد الآن مكلت ليه والو كنكول لو كان هو باغي ينسى الماضي ديالو كون مسح كولشي ولكن لاش خلاهم هنا بدا الاشك ديالي كبر وبقيت نقلب على الدلائل هه هزييت واحد تابليت اخرى ديالو خباها حليتها خدمتها لقييت مسانجر مآنستالي فييه اسيد اللحظة فاش كان كيهدر معايا كان معا وحدة اخرى كيهدرو اقرييت الدردشة ديالهم كولها لقييتو كايل لييها بلي مالين دار لي زوجوه باش اجمع راسو من لبنات تصدمت بكيييت تحطمت مبقيتش تايقا فراسي عرف بلي دخلت لييه لفايسبوك ديالو ابقا كيبرر ليا بلي داكشي كان مجرد هدرة ابلي تزوج بيا بارادة ديالو . اه ادييك لبنت كتكولييه مرتك داتك مني ممزياناش لشديتها غادي نتفها.... هو غير كيضحك مهدر معاها ما والو يعني كيستصغرني اكان كاليها الى جا للمغرب اشوفها وخرجو.... هادشي كولو ا يلاه بدينا فزواج مزال مكملنا حتا عام . أ انا من داك نوع لي رومنسي يعني من بنات ليوم كنلبس ونماكي ... اعندي حقي فالزيين ماشي زعما شي وحدة مامدياهاش فراسها اهاملا راسها دابا فاش شفت انا دييك الخيانة ديالو لي كيبررها بتبريرات لا علاقة درت بحال الى مكاين والو وتناسييت واخا من الداخل ديالي كنتمزق دابا هو كيكول ليا بلي تتبدل... ولكن لنا عمرني نرجع نتييق فييه الثقة ماتت بالنسبة ليا من جييهتو ومع دلك كيهدر معايا ونتصرف عادي ونضحك بحال الى عمر شي حاجة كانت زيادة على هادشي انا مبقيتش تايقة فراسي وليييت حدودية انطوائية تبدلت بعدما كنت قافزة انا لي كندير البهجة فالدار كانو فيا المقالب بزاف ومغامرة دابا كلشي كان ماضي كنت كنكول راجلي نلعب معاه نخرجو نتمازحو....ساعة راجلي فجيهة و انا فجيهة اخرى راجلي مكيفهمنييش راجلي مبقيت كنحس من جيهتو بوالو راجلي قتل داكشي لي فيا خصوصا انني مكنتخد حتا قرار مكنديير حتا حاجة انا باغاها يعني هو كيآمر وانا كنفد ولييت غيير بحال شي روبو مبقا عندي لا راي لا حرية لا والو بعد المرات كندم حييت تزوجت وبعض المرات كنقول عكوزتي اشيخي هما كلشي عندي فالدنيا غنصبر على ودهم ونديير اي حاجة ترضييهم اوووه سمحو ليا طولت عليكم ولكن بغييت نكشكش شويا على ليي فقلبي معندي حتا وحدة لي نقدر نعاود لييها ونكون مرتاحة من جيهتها راجلي كنحس بييه بحال الى انا غيير مفروضة علييه