ابر حقن الكاربوكسي للهالات السوداء

السلام عليكم ورحمة الله تعالى وبركاته
البنات كنتمنى تكونو فاحسن الاحوال ونتمنى تفيدوني اللي كتعرف شي حاجة الله اسهل عليها ماصعب.
انا عندي مشكل الهالات السوداء حول العينين وبصراحة مانخبيش عليكم باينين بالزاف وماثرين ليا على نفسيتي بالزاف ومعقديني وحتى بالمكياج والكونسيلر ماكيتغطاوش.الحمد لله ماعندي حتى مرض غير من قلة النعاس والبكى والمشاكل والارهاق وماكنتش مهتمة بيهم يعني قلة الاهتمام زادو غماقو بالزاف وصعابو باش يتصلحو ماخليت ماجربت فالخلطات الطبيعية ولمدة طويلة اومالقيتش نتيجة حتى صافي ياست وعييت وجاني احباط ووليت وقتما نشوف وجهي فالمرايا كنتحسر على عيني ونبقى نبكي.وللي يشوفني كيسحابليه مريضة اولا كنتناول شي مخدر حتى تعقدت وليت كاع ماكنخرج من الدار.انا الحمد لله زوينة بشهادة الجميع وبشرتي بيضاء ونقية وباقا صغيرة ماشي نقول كبيرة فالعمر داكشي باش شرفولي عيني ولكن هاد المشكل مالقيت ليه حل..
سمعت انو فالسنوات الاخير خرج واحد العلاج للهالات عن طريق حقن ثاني اوكسيد الكربون تحت جلد العينين بواسطة عدة جلسات وكيعطي نتيجة فعالة وماعندو حتى شي اثار جانبية، وقررت اني ندير هاد العملية، المشكل هو انني ماكنعرف حتى عيادة ولاطبيب تجميل اكون كيدير هادشي فالمغرب.واليوم اخواتاتي بغيتكم تحسو بيا وتعاونوني اللي كتعرف شي حاجة على هاد الموضوع تفيدني ماكرهتش شي عيادو ولا طبيب تجميل فالرباط بالخصوص. وجزاكم الله الف خير.