سلام عليكم. انا بغيت نستشر معكم في واحد المسئلة. شي ناس من عائلة متقربين لي بزاف وصرحة هوما عزاز علي وديما ضحك معهم ولكن ديما تيهضرو في راجلي بالخيب. هو معمرو دار ليهم شي حاجة خيبة ولا خصر الهضرة معاهم. ديما تيضحك معاهم واخا تيشوفهوم قليل بزاف. هما ميحملو شعرة فيه وتيعملوه خيب ومترحبوش بيه منين تيمشي لعندهم غير باش يسلم عليهم. المهم راجلي لاحظ تعمل ديالهم وحلف معمرو يحط رجلو عندهم. ىعني مبقوش تيشفوه دابا ولكن باقين ديما تخصرو الهضرة وتيعرو فيه. هاش شي كولو تيقولوه لام ديالي حيت عرفينها متتقضرش تجاوب و الام ديالي متتعودش لي غير ليوم جبت ليها لسانها وعوداتلي تاني شنو تيقولو فيه وانا هادشي ضرني في خاطري بزاف بزاف. ومبقيتش عرفة كيفاش نتعمل معهم. إنا مبغيتش يقللو من الاحترام ليه. والله العظيم هو عمرو دار ليهم شي حاجة وما عندهمش شي سباب مقنع باش ميحملوهش. إنا متيهمنيش واش يبغوه ولا يكرهوه لكن غير ميهضروش فيه خيب. انا فاش تنكون عندهم متيجبدوش راجلي وميسولوش كيف داير واش لاباس عليه. المهم شنو ندير وكيف نتعمل معهم. صرحة انا دابا مبقيت باغة نشوف شعرة فيهم ولكن هما من العائلة وتنشوفهم بزاف. انا مبغيتش نمشي لعنهم ونسولهم علاش متتحملوش راجلي. جات ناقصة بزاف. عفكم كيفاش نتصرف معاهم؟ وشنو ندير؟ انا مبغيتش نطيح لقيمة ديال راجلي هو الله يعمرها دار. راجل تيعرف الله وتيحترم كبير وصغير. معمرو خصر الهضرة ولا قال شي حاجة خيبة على عائلتي غير هما الله يسمح ليهم بلا سباب. سمحو لي طولت عليكم غير انا دابا بقا مفقصة وهديك المعملة الطيبة لي تندير معاهم ميستهلوهاش.
↧