اشنو تديرو فبلاصتي راني حرت

السلام عليكم البنات
غادي ندخل فالموضوع مباااشرة
واحد العائلة كنعرفوهم كاملين
انا عندي علاقة مع البنات اكتر
المهم عندهم مرات خوهم عايشة معاهم
هما الام و جوج بنات لي باقين فالدار
باقي البنات مزوجين
و خوهم مزوج و عايش هو و مرتو معاهم و عندو جوح بنيات
كاينا مشاكل بين البنات و مرت خوهم و حتا امهم كاتجي من بناتها
شكون لي عندو الحق و شكون لي سبب فهاد المشكل الله و اعلم
حيت انا البنات و امهم حسب ماكايعاودو راه مرت خوهم السبب
و لكن ملي جلست مع مرت خوهم سمعت هضرة اخرااااا عاوتاني و بلي البنات هما السبب كيحرشو امهم و خوهم على مرت خوهم

المهم انا هادشي بعيد عليا كنقول بيناتهم

و لكن هاد الايام وقعات واحد الحاجة خطييييرة او على الاقل انا كنشوفها خطيرة بزااف و ماعجبنيش الحال و لكن حاسة بي ايديا مربوطين و ماعرفتش كيفاش نتصرف

البنات لي هضرت ليكم عليهم صايفطو ليا فالواتساب تسجيل ديال مرت خوهم كتهضر مع امها
و كانت كتهضر فيهم و فامهم و كتعاير فيهم وتسب هي و امها فمكالمة فالواتساب
حيت كانو تخاصمو و عيطات لامها كتتشكا عليها
الفاعلات التاركات و كتعاير فعگوزتها حتا هي
المهم ماخلااتش فيهم هي و امها
و البنات سجلو كلشي
ملي سولت كيفاش
عرفت بلي مانسطاليين ليها واحد اللوجيسيال فالبورطابل ديالها
و كيتصنتو لجميع المكالمات ديالها و كيسجلوهم :2004cd445d8607be044

انا تصدمت
و ماعجبنيش الحاال و ماعجبنيش هاد التصرف
خااااصة ملي قالو ليا بلي ماغاديش يهضرو دابا و غادي يخليييوها باش يجمعو التسجيلات حتا للوقت المناسب باش يضربوها بيهم و يسمعوهم لخوهم

من بعد بشي يومين السيدة تخاصمات مع راجلها و عيطات لاختها كتتشكا ليها و بدات كتهضر على راجلها خاايب دار ليا فعل ليا ديما عاطي ودنو لامو و خواتاتو الفاعل التارك
و عاودتاني سجلو كلشي و خباوه تاني
هاديك الهضرة لي كانت كتهضر فيها البنت مع اختها الا سمعها راجلها غاااادي تنووض بيناتهم
اي راجل يسمع مرتو كتهضر فيه مع واحد اخر و تعاير ماغادي يعجبو حال
هادشي اكيييد غادي يوصلهم للطلاق و هادشي لي باغين البنات و امهم
هادشي علاش كيسجلو و يخبيو باش من بعد يفجروه ويسمعوه لخوهم و يزيدو يعمروه باش يطلق
و انا من خلال معرفتي بخوهم كننقول بلي الا سمع التسجيلات غادي يوصل للطلاق


هادشي انا ماعاحبنييييش و قلتها ليهم قلت ليهم هادشي حشومة و عيب و و و
بينت ليهم بلي هادشي انا مااااعجبنيييش
و لكن اكتر من هادشي ماعندي ماندير
فكرت نهضر مع مرت خوهم و لكن خفت حيت ماكانعرفهاش مزياان و ماعرفتش ردة الفعل ديالها كيفاش غادي تكون واش غادي تخدم عقلها ولا غادي تتصرف بعشوائيةو تحطني بوجهي او او
واخا راني قصدي غير الخير باش تجمع راسها و ماتبقاش تهضر فالتيليفون و هما يسجلو و يجمعو باش يشتو ليها شملها
و اصلا انا ماعنديش تيليفونها و لكن ممكن نجيبو
السيدة كتشكي على امها و اختها من لوايساتها و عگوزتها و راجلها
ماكاتعاودش للبراني
و من غير هادشي ماكاين واالو ماعندها صاحب ماكتخون راجلها
يعني هاد التصرف لي دارت ممكن اي وحدة فينا تديرو
اي وحدة فينا ممكن تشكي على امها و اختها
و لكن هما هادشي غادي يستغلوه باش يضربوها بيه مع خوهم
خاصة انها كانت كتعاير فيهم و حتا فراجلها



هادشي ماعجبنيييبش انا و ماعرفتش كيفاش نتصرف

شمل غادي يتشتت
ماحاملااااش هادشي
و ماعرفتش اشنو غادي ندير
كنت ديما كنسمع و كنسكت و كنقول يدبرو راسهم بيناتهم
و لكن دابا ملي وصلات الامور لهذ الدرجة ماكرهتش ندير شي حاجة و ننقد هاد العائلة من التشتات و لكن ماعرفتش اشنو ندير

رغم انني انا معرفتي الشخصية بالبنات و امهم لي كانت صديقة للوالدة الله يرحمها
و مرت خوهم عرفتها عن طريقهم
و لكن هادشي لي كيديرو فيه ماعجبنيش
فيه ضلم و تشتات الشمل
و اعدا حاجة عندي هي الواحد لي يجري فتشتات الشمل
اعود بالله

لي عندها شي اقتراح او شي فكرة تقولها
مع العلم انني انا بعيييدة عليهم بزااف مسافةً حيت هما فالمغرب و انا خارج المغرب يعني مايمكنش ليا نمشي و نتدخل مباشرة و عن قرب