السلام عليكم البنات، انا باقة صغيرة وماعنديش خبرة كافية نتمنى لي قرات هاد الموضوع تفيدني ولو بأقل شي.. ان شاء الله من بعد خمس اشهر غادي يجي واحد المريكاني يخطبني رسميا كنا كاندويو غير فالواتساب و كانديرو لا كام ولا كايعيط ليا بمعنى عمرو شافني في الواقع وظاهر لي ولد الناس عمرو قلقني بشي حاجة ولا قال شي كلمة ماعجبتنيش وكايحتارم الاختلافات الثقافية والتقاليد والعادات والاهم من هادشي كامل عندو استعداد انه يسلم وهادشي لي زاد عجبني، ولكن ا البنات انا خايفة وكايجيو فبالي بزاف ديال الاسئلة اولها كانقول مع راسي والى ماعجبتوش ولا ماعجباتوش شي حاجة فيا المهم انا شخصيتي ضعيفة وماعنديش الثقة فالنفس زيادة على هذا انا عندي مشكل صدري هابط واخا انا باقا صغيرة و عندي الهالات السوداء بزاف معظم الوصفات لي درت مانفعوش معاهم. عفاكم لي عندها شي افكار ولا شي معلومات فخصوص كيفاش نتعامل مع اجنبي و قواعد الاتيكيت وشي حاجات فحال هكا تفيدني جزاكم الله خيرا
↧