للي كنت متوقعاه من نهار تزوجت هانا طحت فيه...طلاق

[RIGHT][/RIGHT السلام عليكم شحال مكتبت ومشاكلي مكيساليوش للي قرات مواضيعي كلهم على زواجي والمشاكل للي فيه.واخيرا وصلنا لطلاق .مفهمتش كيفاش ولا وقتاش راجلي صدق غدار من الدرجة الاولى معمري توقعت غيدير بحال هاد التصرف.اوى سمعو وحكمو.
هادي سيمانة كنت دايرة معاه يديني لدارنا زعما بحال كاع المتزوجات مور العيد نمشي لدارنا .هي هاديك .المهم داك النهار دخلت الحمام اعزكم الله وخليت تيليفون فيه ديالي .دخل هو مورايا وهز تيليفون وقلبو لقا واحد الفيس محلول مفيه والو خااوي اصلا مكنستعملوش غير حلاتو عندي ختي وبقا تما مسديتوش ...بغيت نبركك شوية.اوى خرج من الحمام وكيهدر عادي فالليل وصلني لدارنا للي فمدينة اخرى.بات معانا عادي ضاحك لاعب .وعلى غدا مشا فحالو .ومن مشا معيط مسول لا فيا لا فبنتو دازت 4 ايام صونيت ليه قتلو مالك مكتسولش قالي مازال مشفتي والو .واش كتستحمريني دايرة فيس وكتكدبي عليا .قتلو ماشي ديالي وظايدون راه خاوي.قالي انا حلفت عليك مديريهش.وبقا يزيد فالهدرة شريتي تيليفون بلا خباري .قتلو ياك شريتو بفلويي لي جمعت .المهم سيد هدرتو خاوية مديت مجبت.قتلو المهم غدا غنجي تلاقا ليا .قالي مبقا عندك فين تجي .قتلو اش كتخربق.قالي غدا انا جاي نفاريها مع باباك .اوى صافي تسنيتو الخميس مجاش .عيطلو بابا نهار جمعة قالو دابا ندوز فالعشية .مجاش .وانا نعيطلو الجمعة فالليل قتلو فينك قالي انا دفعت دعوى الطلاق وتسناي تجيك الاستدعا .بديت نبكي جاني غدر كبييير.انا جاية على اساس نفوج صدقت مطلقة وعلاش اسباب تاااافهة.ومجيباش حوايجي وحوايج بنتي كلشي خليتو فالدار .حتى لاكارط ناسيونال خليتو فالدار منويتش هادشي كااع.اوى صافي بقيت مصدومة جا لبارح فالليل هدر مع بابا .قالو بنتك مكتحترمنيش دايرة فيس ومعرف شنو.قالو بابا واش حصلتيها كتهدر مع شي واحد ولا كتغدرك قالو لا كرامتي مكتسمحليش.شوية قالو مي مكتحملهاش فيما كتجي كينوض صداع.هو هادشي كامل على مو.المهم موراها جا لدار قالك يشوف بنتو .ماما ترغب وانا نرغب زعما حاولنا نصلحو الامور صحابنا ولد ناس.ساعة مدار لبوجه ماما لا وجه بنتو للي باقا صغيورة .المهم فالاخر بقيت انا وياه قتلو انا مستعدة ندير لي بغيتي على وجه بنتي وطلبت بزاف حتى دليت راسي هو طالع لسما .قالي تانتي تشوهي فالمحكمة غتصحابي غتغلبني المدونة .قتلو صافي نمشي نجيب حوايجي قالي انا نصيفطهملك متجيش نتي.قتلو انا نجمع كلشي قالي دابا غنصيفطلك غا ما تلبسي من بعد وخودي داكشي لي جبتي معاك...السيد حاس براسو كرهتو غدار ....وعيطليه صاحبو للي مرتو صاحبتي تاهيا وعاودتليها.قالو نعل شيطان وبنتك واش على تيليفون داير هاد الحالة.قالو لا انا جبت تيليفون غا سبة هي مكتحترمش ممي .ومي كتعاودلي عليها.شوفو فين طحت عمرات ولدها عليا تابانلو الطلاق.اش غنقوليكم حالتي منبغيهاش لعدويا.مكاناكل مكنشرب بالغدايد والله مكنعس.حنا ناس درااوش مكنبغيو صداع شوف فين وصلت....للي عارفة شنو ندير تقولي .مع العلم قالي غنبقى نصيفطلك مصروفك فالبوسطة..زعما باش يعطي دليل انه كيصرف وكينفق.وللي فايتة طلقات بحال هكا .بإجراء تعسفي تعاوني وتقولي باش حكمو عليه ...بغيتو يتأدب.هداك الراجل حكرني بزاااف الله ياخد فيهم الحق