عتقوني باراءكوم واشنو ندير راه غنموت بالفقصة

سلام البنات انا دبا فمشكل كبير عندي واحد لعگوزة جهنم الكحلة را ماتصوروش راجلي تاهوا طبعو صعييب ولاكن مهم كان كيهدر فالحق مهم انا كاريا حدا دارهم انا كانمشي للخدمة صباح كايدوزو نهار كامل عدنا حتا لليل عاد تايمشو مهم داك شغل وتمارة مابقيتش تنهدر عليهم وليت صابرة وصافي حيت هدرنا وديما كينوض صداع لمشكل لي عندي دبا هو ولبارح ناظ نقاش بيني وبين مو مكرهتش كون نعاود بالتفصيل لكتابة تتفقصني وفاش جا راجلي بقات تتگولو مرتك دارتلي وفعلاتلي بقا تيغوت گالها منسمع لا ليك لا ليها وهي مابغاتش تسكت گلها كل واحد يشد تقارو راحنا خرجنا من دار غي علا هاد المشاكل هي تتغوت هادشي لي بغيتي غي نمشيو للدارنا اصلا هاد للهدرة ديما تيگولها لها حيت كونا فدارهوم وخرجنا فالتالي فش مابغاتش تسكت بقا تيغوت تيگول خرجو عليا بجوج فالتالي دار ليا انا بدون سبب خرجي عليا نعيط لباك وهي كتستفزو كون كنتي راجل متخليهاش ترد عليا للهدرة .....
.حتا هي دار فيها هي كتهدر وهو تايكولها وزعما نتي ساهلة وانا للي كان نعرفك...مهم ناض صداع كبير وبلاصت ماتبدل ساعة تمشي للدارها ممشاتش وفاش خرج نادت ليا بالمعيور تتكولي نتي باغية تبقاي بوحدك وولاه لامشيت واخة تسكنو فصحراء ومن تما وراجل معصب خاصو غي فاش يشد لاغد ليه جات وتتنگر وانا ساكتة مهم خاصو تاهوة غي يدابز فاش درت فيه كوتلو مالك حتا نتا محرر علييا عيشتي كتر من مك الا جاتك العيشة حارة سيري فحالك مهم تانا بقيت تنغوت قدام مو كتلو نتا لي سير فحالك هادي غي دار الكرا حتا تكون دارك عاد هدر مهم ماسكتش كتلو ماقديتيش علا مك لقيتي هدا هوة للحل مهم مو خايبة للبارح عيت لبنتها شكيت عليها تاواحد متايحملها حتا ولدها صبر عليها ولاكن انا لي وحلت فيها راجلي تبدل عليا بسبابها حرات علينا للعيشة وظلموني بجوج انا كنت صابرة حيت راجلي كان كيهدر فالحق دابا وصلنا للمشاكل صعيبة بزاف مابقاش فيها صبر دابا معرفتش شنو ندير هوة گالي ديك الهدرة غنطرطق حية صبرت ٨سنين فالتالي ها النتيجة دبا شنو ندير مبغيتش نعيط لبابا يديني حتا نقرر قرار نهاءي عفاكم نصحوني شنو ندير وبالنسبة للطلاق شنو الأجراءات مهم هة دابا خرج من بعد تبعاتو مو وانا غنطرطق