السلام عليكم انا عضوة جديدة عندكم نتمنا من الله لقا الحل لمشكيلتي معاكم بعدما بديت كنستسلم او كنفكر في الطلاق. نعرفكم براسي مزوجة 3 سنوات عندي بنيتة فعمرها عام وشهر الله يحفظها المشكيل اللي عندي هو راجلي عصبي بزاااااف اولا كيقلب على السبة او هاجرني في الفراش كيقلب غي منين يتصيد اخطاءي مابقاش كيحترمني او كايهيني او كيستفزني غير باش نجاوبو ملي نجاوبو كينسا هو الكلام الجارح اللي كال او كيشدني من الجواب اللي قلت او كل خصامة يبدا يجبد القديم ديك المرة ديك المرة قلتي من قبل ماكنتش كانجاوبو مي في الاخير مابقيتش قادة نستحمل كلامو ملي كانقولو علاش كتعامل معايا هاكدا كيقولي مكتعرفيش تهضري سيري شوفي لالياتك كيفاش كيهضرو ندمت علاش خديتك ماشي من المستوى ديالي امية جاهلة مابقيتش باغيك عطيني التيساع كرهتيني فيك او زيد او زيد منكدبش عليكم مرضني بزاااف ولبت معصبة مع بنتي بسبابو كرهني فراسي جميع العيوب خرجهم فيا او انا صابرة عل ود بنتي مابغيتش نضيعها اخر مرة هاني وضربني على والو دخلو دار قلب عليا القفة بلي هو مامرتاحش معايا اونفرتو مني اوبلي مكنبغيش خوتو او عيالات خوتو كنغير منهم مافهمتش اش غاندير معاه الله يسهل عليكم لما عاونوني او فيدوني يمكن انا كنعاند شوية حيت كيجرحني بزاف رغم اني كنتنازل اوكنهضر مي هو ديما نافخ عليا مع العلم انو الفرق بينا 20 عام كبر مني ديما منزل ليا زنافري للارض اوكيقول ليا ياكمة حاسة براسك دابة نجيبها بنت 17 عام هاكة بالزين ونوريك صورتها راهم موظفات باغيني غي نشوف فيهم كيحماقو عليا تلفت او داخت بيا دابة حنا مكنهضروش كيخرج يفوج على راسو مع صحابو او انا كالسة اونبكي مرة نجمع حوايجي مرة رضهم مابقيتش حاسة براحة في داري مخنوقة والنعاس مابقاش يجيني كيجي في الليل ياكل ويدخل لبيت النعاس ويسد عليه او انا بنتي كنعسو في الصالة حرت عاونوني طرقت بابكم متردونيش بلاش اللي كثر مني تجربة في الحياة يفيدني باش نتبدل او نرجع كيف كنت مانبقاش محطمة ونقوي راسي ونكسب راجلي اللي ديما ماشي فصفي اومامربيش عليا الكبدة كيف كاينة كيف لا وسمحولي الله يجازيكم بالخير
↧