علاش راجلي خبا عليا نصحوني الله اخليكم

السلام عليكم الانيقات،راجلي خدام مع العرب كيترجم ويصايب ليهم الوراق هنا فاوروبا، خصوصا السوريين، هما بززااف تيعرضو عليه الولائم وديما الو تعالا،وراجلي ولا تيمشي عندهم بززااف ليل ونهار لدرجة كيخرج مالخدمة حنت قراب ليه الخدمة ويمشي عندهم ياكل ويجمع ويشرب اتاي واحد 3ساعات عاد اجي الدار وباليل تاني اعيطو ليه ويمشي عندهم بعد مكينعسو دراري متيفوتش 13h30 ولا غير إلى صيفتو الفرماسي ادي معاه واحد، هما شي 18واحد، كاين لمزوج والي عازب فالأول كان تيصور معاهم طرف الخبز حنت مكانش خدام، 'لاكن منبعد كلشي شرا طوموبيل مبقاوش كيقولو ليه والو وراجلي خدم رسمي عند الدولة مختصة فالمساعدة المهاجرين ويعيطو ليه ولاكن مع ذالك بقات العلاقة معاهم كل نهار معاهم تناقشت بكيت والو ديما معاهم حتى عييت وخليتو وليت نخلو الماكلة ديما عندهم إلى طيبت اقولي كليت عندهم، وليت ندير ماكلة ديالي ولادي صافي، مهم وليت ندي ولادي نعسهم ونعس ونخليه بوحدو فالصالة باش نعاقبو ولقاها سبة وزاد فيه 3سنين هادي دبا بليل تيخليني ويمشي عندهم كاين لتيتشيش وكيكمي هو لا،حتى ولا عندي برود تجاه وكنتجاهلو، واليوم كتاشفت انه شطح مع وحدة عندها 60عام فواحد المجمع العرب هي خدامة معاه ومقالهاش ليا نوظت معاه صداع، قالي نسيت مقلتها، دابا نصحوني الله اخليكم كفاش نتعامل معاه راني 3سنين فالغربة وطبت من البرود العاطفي والجنسي وكلشي، هو باغي ولاكن انا تنعاقبو ومتنتجاوبش معاه عفاكم بغيت نصايحكم واش نسمح ليه على شطيح لدار هو قال اه غلط ونسيت مقلتهالك، عفاكم متهملوش مشكلتي حنت عندنا الولاد ومحتاجة الله وقفتكم معايا.