شكون لي عندها شي راجل مزيان و معقول و ولد الناس

السلام عليكم البنات

بصراحة راني تقهرت من هاد المواضيع لي كيتحطو فالمنتدى

واك واك هادشي بزاااف كيطيب القلب

لي مامزوجاش غادي نكروها فالزواج و فالرجال

كلشي كيتشكا من الرجال

ها لي كيخونها ها لي كيضربها ها لي كيسبها و يعايرها ها لي تزوج عليها و غدرها
ها لي كان مواعدها بالزواج و قلب وجهو و خلاها ها لي ماكيحتارمهاش و مادايرش ليها اعتبار كزوجة ها لي كيتحاسب معاها و طامع فيها

واه واه و بزااف
بغينا شويا تجارب ايجابية
بغينا نعطيو شويا للراجل حقو
على هاد الرجال مافيهم حتا واحد مقاد
مافيهمش ولد الناس لي معقول و كيحب مرتو و يعزها و يقدرها
مافيهمش لي حاط مرتو فوق راسو و داير ليها قيمتها و اكتر
مافيهمش لي مهلي فمرتو و قايم بدارو و بوليداتو و بواجباتو
مافيهمش لي متقي الله فافعالو و معاملتو مع مرتو و كيحتارمها قدام الصغير قبل الكبير

راه البنات لي مازال مامزوجاتش و معانا فالمنتدى ملي يقراو هاد المشاكل لي كتتحط غادي يسحاب ليهم كلشي المزوجات كيعانيو مع رجالهم

بغينا شويا تجارب ايحابية
بغينا البنات لي عايشات بيخير مع رجالهم يشاركونا تجاربهم
بغينا نعطيو للراجل شويا حقو
كيف كنهضرو هنايا على الرجال الخيبين و مامزيانينش مع عيالاتهم و لي كيتكرفسو عليهم و كيخونهم و يسبوهم و يعايروهم و معيشين عيالاتهم فالهم و فالفقسة

بغينا شويا تجارب تشرح القلب و تسلط الضوء على الحياة الزوجية الايجابية
البنات لي عايشين مع رجالهم و وليداتهم بيخير و على خير هانيين مرتاحين علاقتهم زوينة و متفاهمين يشاركونا تجاربهم
لي مرتاحة مع راجلها و مهلي فيها و حاطها فوق راسو و كيعاملها مزيان و كتقي الله فافعالو و قايم بدارو و بواجباتو و عايشة معاه سعيدة فحياتها تهضر و تشاركنا تجربتها

كيتحطو غير المواضيع لي كيوجعو القلب
بغينا نعطيو للبنات لي مازال مامزوجاتش صورة ايجابية على الزواج
نبينو ليهم بلي الزواج ماشي هو المشاكل و الهم و الغم

راه غادي يديرو اضراب على الزواج و تديو دنوبهم :redfacee: