السلام عليكم ورحمة الله
تم التثبيت والارشفة في يومه
ام مهدي
اليوم بغيت نشارككم مجموعة من العطور لا تتجزأ من حياتي صراحة
أنا من النوع الوفي للعطور اللي كتعجبني خاصة أن ذوقي صعيب شوية فاختيار العطور فالعطر إيلا كمل نعاود ناخدو وضروري ناخذ اكثر من عطر باش مانملوش ومايطلعش لي فراسي ويهرب منو خاطري يعني واخا وفية لنفس العطور الا انني ماشي وفية لعطر واحد ووحيد.
مثلا مللي كنبغي نختار أي عطر مستحيل نحكم عليه من الرائحة الفورية اللي كتطلع مللي كنرشو ضرووووري أنني نحط شوية من العطر على مختلف أجزاء البشرة خاصة المعصم وطية الكوع ونبغي ندور واحد ساعتين ولا أكثر ونرجع نشم البارفان كيفاش تطور مع البشرة ديالي هنا عاد نقرر ناخذ العطر ولا لا
وأحسن طريقة أنني كنطلب عينة من العطر من المحل وكنجربو خاصة بالليل وفالصباح كنشوف واش ناسبني لانه بعض المرات كنتسرعو وكيعجبنا العطر وحدنا كنشريوه ونديروه فترة ماكنحملوهش ولا كيدوخنا وهاد القضية وقعات لي شخصيا اكثر من مرة ووليت كنضطر نعطيه لأختي ولا ماما لأنني مستحيل نستعمل عطر شي حاجة فيه زعجاتني خاصة أنني كندوخ داغي
هادشي اللي خلاني نتريث قبل ماناخذ اي حاجة عندها علاقة بحاسة الشم والامر كينطبق حتى على بعض انواع الكريمات والماكياج.
إذن كيف قلت اليوم نبداو بمجموعتي الخاصة من بعد نوريكم عطور الزوج ديالي وانا اللي ختاريتهوم معاه لانه مستحيل نخليه ياخذ شي عطر يقلب لي راسي
ثم العطر ديال ولدي الصغير الله يحفضوا ويخليه ويحفظ جميع وليداتكم ويخليهم لكم يارب
![]()
هنا المجموعة ديالي دابا نقدمها لكم عطر بعطر وللإشارة عطوري كلها eau de parfum لان أو دو طواليط كنحسها خفيفة بزاف وماكتناسبنيش وكنبغي الاحجام العائلية ههههه يعني قليل فاش كناخذ اقل من مئة ميللي لانني كنبغي البارفان يبقى عندي بزاف
هذا عطر Eau de parfum FEERIE RUBY 100Ml من VAN CLEEF & ARPLES ريحتو كيغلب عليها ريحة الورود والتوت البري وهاد العطر منعش وزوين فجميع الفصول
![]()
وهذا FEERIE eau de parfum 100ml من VAN CLEEF & ARPELS بحال الاول غير هو مخفف عليه وكتغلب عليه ريحة الورود وخاصة فيه جزء من الياسمين وحتى هذا رائع وشاعري ولكل المناسبات والفصول
![]()
وهذا من عطوري المفضلة BODY من BURBERRY 85ml eau de parfum الصراحة رائع رائع كيغلب عليه العنبر والفاني والمسك وعاد فيه لمسات شرقية كنفضلو فالخريف والشتا
![]()
هذا عطري المفضل اللي كنشريه باستمرار وكنكملو فأقل مدة ممكنة EXTATIC EAU DE PARFUM من دار الأزياء المعروفة BALMAIN فاجأني بزاف ولو كنت نقدر نطلق سميتي على شي عطر يكون هذا بدون منازع
منعش وثقيل وخفيف وfruité و شرقي وكلشي فيه كنحس بيه كيشبهلي بزاف
![]()
هذا اخر مشترياتي BAISER VOLE من CARTIER
غير هاذا ماشي eau de parfum وإنما essence de parfum كيكون أقوى وقريب بزاف للمستخلص الصافي اللي هو parfum
كالعادة 80ml والجديد فيه انه غالب عليه طيبة الفاني بينما ال eau de parfum BAISER VOLE عادي وهذا ممكن يبقا حتى لثلثيام غزاااال ودافئ وشاعري
![]()
هذا الصيف اللي فات بغيت نحماق على العود وقررت أنني نشريه من الماركات الفرنسية لان العود فالعطور العربية كيجيني قوي
واستقريت واقتنعت بl'AUTRE OUD من LANCoME ماكيتباعش فالمحلات المعروفة ديال العطور فقط فla maison Lancôme أو عن طريق الموقع الرسمي ديالهم
رائع شرقي لابعد الحدود بنكهة غربية 75ml
![]()
هذا عطر ORIENS من VAN CLEEF & ARPELS بحال اسمو عطر شرقي رائع épicé وfruité بنفس الوقت عطر مايمكنش مايسولوكش الناس على إسمو
![]()
هادو عطور زوجي واللي كتتكون من:
L'HOMME IDةAL من GUERLAIN
INVICTUS من PACO RABANNE
DةCIBEL من AZZARO
والصورة الاخيرة عطر الكتكوت الصغير young man
من IKKS
![]()
![]()
نتمنى نكون افدتكم
تم التثبيت والارشفة في يومه
ام مهدي
اليوم بغيت نشارككم مجموعة من العطور لا تتجزأ من حياتي صراحة
أنا من النوع الوفي للعطور اللي كتعجبني خاصة أن ذوقي صعيب شوية فاختيار العطور فالعطر إيلا كمل نعاود ناخدو وضروري ناخذ اكثر من عطر باش مانملوش ومايطلعش لي فراسي ويهرب منو خاطري يعني واخا وفية لنفس العطور الا انني ماشي وفية لعطر واحد ووحيد.
مثلا مللي كنبغي نختار أي عطر مستحيل نحكم عليه من الرائحة الفورية اللي كتطلع مللي كنرشو ضرووووري أنني نحط شوية من العطر على مختلف أجزاء البشرة خاصة المعصم وطية الكوع ونبغي ندور واحد ساعتين ولا أكثر ونرجع نشم البارفان كيفاش تطور مع البشرة ديالي هنا عاد نقرر ناخذ العطر ولا لا
وأحسن طريقة أنني كنطلب عينة من العطر من المحل وكنجربو خاصة بالليل وفالصباح كنشوف واش ناسبني لانه بعض المرات كنتسرعو وكيعجبنا العطر وحدنا كنشريوه ونديروه فترة ماكنحملوهش ولا كيدوخنا وهاد القضية وقعات لي شخصيا اكثر من مرة ووليت كنضطر نعطيه لأختي ولا ماما لأنني مستحيل نستعمل عطر شي حاجة فيه زعجاتني خاصة أنني كندوخ داغي
هادشي اللي خلاني نتريث قبل ماناخذ اي حاجة عندها علاقة بحاسة الشم والامر كينطبق حتى على بعض انواع الكريمات والماكياج.
إذن كيف قلت اليوم نبداو بمجموعتي الخاصة من بعد نوريكم عطور الزوج ديالي وانا اللي ختاريتهوم معاه لانه مستحيل نخليه ياخذ شي عطر يقلب لي راسي
ثم العطر ديال ولدي الصغير الله يحفضوا ويخليه ويحفظ جميع وليداتكم ويخليهم لكم يارب
هنا المجموعة ديالي دابا نقدمها لكم عطر بعطر وللإشارة عطوري كلها eau de parfum لان أو دو طواليط كنحسها خفيفة بزاف وماكتناسبنيش وكنبغي الاحجام العائلية ههههه يعني قليل فاش كناخذ اقل من مئة ميللي لانني كنبغي البارفان يبقى عندي بزاف
هذا عطر Eau de parfum FEERIE RUBY 100Ml من VAN CLEEF & ARPLES ريحتو كيغلب عليها ريحة الورود والتوت البري وهاد العطر منعش وزوين فجميع الفصول
وهذا FEERIE eau de parfum 100ml من VAN CLEEF & ARPELS بحال الاول غير هو مخفف عليه وكتغلب عليه ريحة الورود وخاصة فيه جزء من الياسمين وحتى هذا رائع وشاعري ولكل المناسبات والفصول
وهذا من عطوري المفضلة BODY من BURBERRY 85ml eau de parfum الصراحة رائع رائع كيغلب عليه العنبر والفاني والمسك وعاد فيه لمسات شرقية كنفضلو فالخريف والشتا
هذا عطري المفضل اللي كنشريه باستمرار وكنكملو فأقل مدة ممكنة EXTATIC EAU DE PARFUM من دار الأزياء المعروفة BALMAIN فاجأني بزاف ولو كنت نقدر نطلق سميتي على شي عطر يكون هذا بدون منازع
منعش وثقيل وخفيف وfruité و شرقي وكلشي فيه كنحس بيه كيشبهلي بزاف
هذا اخر مشترياتي BAISER VOLE من CARTIER
غير هاذا ماشي eau de parfum وإنما essence de parfum كيكون أقوى وقريب بزاف للمستخلص الصافي اللي هو parfum
كالعادة 80ml والجديد فيه انه غالب عليه طيبة الفاني بينما ال eau de parfum BAISER VOLE عادي وهذا ممكن يبقا حتى لثلثيام غزاااال ودافئ وشاعري
هذا الصيف اللي فات بغيت نحماق على العود وقررت أنني نشريه من الماركات الفرنسية لان العود فالعطور العربية كيجيني قوي
واستقريت واقتنعت بl'AUTRE OUD من LANCoME ماكيتباعش فالمحلات المعروفة ديال العطور فقط فla maison Lancôme أو عن طريق الموقع الرسمي ديالهم
رائع شرقي لابعد الحدود بنكهة غربية 75ml
هذا عطر ORIENS من VAN CLEEF & ARPELS بحال اسمو عطر شرقي رائع épicé وfruité بنفس الوقت عطر مايمكنش مايسولوكش الناس على إسمو
هادو عطور زوجي واللي كتتكون من:
L'HOMME IDةAL من GUERLAIN
INVICTUS من PACO RABANNE
DةCIBEL من AZZARO
والصورة الاخيرة عطر الكتكوت الصغير young man
من IKKS
نتمنى نكون افدتكم