السلام البنات انا بغيت نعاود لكم مشكلتي مع راجلي وتلقاو معايا الحل الله يجزيكم بالخير. أنا10 سنين ونا مزوج معمر كان عندي شي مشكل بحال هذا اللي رون لي حياتي. هدي واحد شهر رجلي تغير علي المشكل بدا منين جلس من الخدمة أنا خدام ولو المشاكل بسباب ولدي فلول هو مدسرو دري تيعيرنا تخيلو منين تيدير شحاجة وتندرب تيدابز معايا تيقلي نتي تتعنفيه كون مدرتليهش شي حاجه كع ميعيرك المهم المشكل لخور بسباب لقرايا أنا منين كنت كالس أنا كنت تندير تمارين مع دري منين هو كلس من لخدمة تمارين ديال دري تيتجمعو بسمانات أنا وليت تنتعسب وتغوت منين تنجي عيانة وتشوف دكشي دابزت أنا وياه خرج مكانش تيكمي ولى تيكمي مشيت تنقلب عليه فنسسات ليل عيلو متيجوبش لغدليه هدرت معاه قلي سافي أنا وياك سلينا بديت تنرغبو وهو مصمم دخلا ت ماما حيث عيش معانا ولات الأمور مزيان حتى جا خوه أمرتو من لمغرب عندنا ولى تخرج معاه مبقاش تيهدر معايا عادي وزاد تبلى بلكرو المهم أنا جيت حطيته قدام خوه قتليه أنا مبقيتش قدرا نصبر غنتفرقو خوه قليك نعلو شيطان المهم خرجنا كلست أنا وياه فطموبيل قتليه مالك تبدلتي جاوبني قالي أنا كنت تنبغي واحد لبنت 20 عام هدي وكونت تنشفها هي مراتي ونتي ملقيتش فيك دكشي لفيها عرفتي أنا مت وحييت قلبي تهز تصدمت قتليه داباانت جاوبتني علىشحال من حاجة كانت فراسي قتليه نتفارقو قالي ماشي فصالح دراري قالي نبقاو عبشين غير على ود دراري حتى يكبروا شوي يعني ميبقى بنتنا والو هو أصلا كنت تنحس بيه بارد من جهتي سنين كنت تنقول يمكن هو هكاك داير المهم دازت ايّام متنهدروش وهو ممسوقش لي على فكرة خوه كان مصاحب مع مراتو منين راجلي كان مصاحب مع ديك سيدة وراجلي كبار مني ب15 العام المهم مشيت أنا هدرت معاه باش نقاد الأمور قتليه أنا تنبغيك ومبغيتش نتفارق معاك علاش زعما هد المشاكل بدا تيدخل ويخرج فلهدرة هو يقولي أنا بغيت نزيد نتزوج قتليه ياك اوا أنا عطني بريتي وسير الله يعاونك قالي واش غدا تكرهني بقيت تنشوف وهو يقولي غير تندحك معاك المهم تصالحنا لغدلي سيد ولى تيخرج من الصباح حتى ليل عاد تيجي ديما أنا طلعلي الدم عيطليه قتليه انا مبقيتش قدرا نكمل خصنا تتفرقوا قتليه بعد غدا نمشيو لمحامي قتليه أجي لدار نهدرو قالي مشي دابا بقيت تنتسنى تنعيط ليه متجوبش حتى جا قالي صافي نديرو ليريحك قالي بلحق انا منفوتش 12 دنهارعندي شي حاجة أنا جايكم شنو ديك الحاجة المهم الغدليه مشيت عندو قتلييه علاش تدير معايا هادشيً قالي نتي متتحترميش متتبغنيش تتردي علي الهدرة خدمتي ومك حداك شنتي قتليه أنا تنبغيك كن كنت متنبغيكش كاع منصبر على هدشي لتدير لي وماما راها غتمشي بحالهاقريب المهم تصالحنا فلعشية قالي نسيت مقتليكش راه قطعت تكيت لفرانسا بحال لصرفقني قالي أنا منين قلتي نتفارقو كنت غانمشي معاك لمحامي من بعد غنمشي بلمنقولها ليك رغبتو قتليه متمشيش بقا ونمشي أنا وياك لشي بلاصة ونخليو الدراري مع ماما قالي أنا قررت نمشي وقطع تكيت لواحد لمدينة متيعرف فيها حد قتليه علاش غتمشي بضبط لتما بقا الحريق علي ولمدينة ممعروفاش المهم عييت منرغبو مبغاش فليل جاتني واحد الحالة خيباخرجت تندور مع 2 دصباح تنبكي ماما مسكينة مخلوعة علي وهو ناعس ممسوقش ماشي اول مرة بعد المرات تنتعطل فلخدمة تنجي حتى 12دليل تنلقاه تيشخر المهم رجعت الدارً جاني نهيار عصبي بديت تنبكي قتليه شنو درتليك داير لي هاد الحالة شافني فديك الحالة قالي صافي ميكون غير خاطرك ناض لغا تكيت أنا مشيت لخدمة بديت تنخطط نمشيو أنا وياه لشي بلاصة منين جيت لقيت سيد مبدل قالي لممشيتش منرتاحش قتليه نمشي أنا وياك قالي أنا باغي نمشي بحدي نتي ديما فوجهي أنا بغيت لسباس زطمت على قلبي قطع تكيت ب 3 مليون باش يمشي لغدليه قالي مكرهتش نمشي اليوم وصلتو المطار حتى ولادو وسمح فواحد الخدمة كان كيخدمها فسيمنة المهم جيت لدار بقيت تنبكي طفيت تليفون عيط مرا منين مجوبتش معودش عيط قلت يسيفط مساج يسول على ولادو سفط ليه مساج قلتيه حتى ولادك مسولتيش فيهم قالي نتي حسابليً مبغتيتهدري معايا قتليه الى كنت تتعرف شي وحدى عطيني بريتي وسير عيش حياتك بلى منبقا تفلى علي وتعدبني قالي ماكين والو غير بغيت نبقى بحدي ويوم قالي بدلتي تكيت لماماك باش تمشي أنا غنزيد واحد سيمنة فرانسا منين تنهدر معاه فتليفون تيهدر معايا بزز خصو غير يقطع هاد سنين لدازت كان مزيان تبدل علي بزاف الله يجازيكم بخيرحسبوني ختكم قلولي شنو باليكم فهادشي وشنو لحل حيت عييت مرضت متوكل منعس حرت جودو علي بنصائحكم الله يعطيكم متمنيتو وسمحولي حيت طولت
↧