واش عندي الحق او لا

السلام وعليكم الله يخليكم بغيتكم تقولولي واش عندي الحق المهم ماما اللي كانت كتحتاجها من خواتاتها كتلقاها لا هما لا ولادهم ديما واقفة معاهم منين طاحت هي مسكينة مالقات اللي يوقف معاها دابا عام وهي مريضة بالسرطان وبحكم اننا ساكنين بعاد كتحس بالوحدانية وهاد خواتاتها كاين منهم اللي عيطاتليها 2 مرات فقط وحتى بناتهم اللي كنت حاسباهم خواتاتي كيسولو فينا سطحيا وكاين اللي معيطش كاع وماما مسكينة مدايرا فيهم غير الخير من صغرهم وحتى فعراساتهم كاملين كتشقا فيهم وكطيب هيا وكتسخسخ وماواتهم كيكونو كالسين مع الضياف الله يقبل مكنمنش غير باش نحطكم فالصورة انا بقا فيا الحال بلوكيتهم كاملين عندي فواتساب و قطعت عالاقتي معاهم اللي موقفش معانا فالشدة معندي ماندير بيه مفهمتش هاد الزمان علاش رجع هاكدا كينساو اللي دار معاهم المعروف وبلا معروف انا اي واحد كنسمع مريض كيبقا فيا حارا عاد يكون من عائلتي دابا هما كاين اللي بقا خاطرو منين بلوكيتو وبقيت كنكول ياك مغلطت حطو راسكم بلاصتي ماما كتبات كالسة بالوجع و اغلبيتهم مكيسولوش فيها بالسيف يبقا خاطري وحتى الى شفتهم منسلمش عليهم واش من حقي نتصرف هكدا ولا انا مكبرة الموضوع