السلام وعليكم الله يخليكم بغيت رايكم انا عندي مشكلة انه اللي هضر فيا مكيزيدش والعمر كيزيد وانا ماخدامة ماوالو عندي واحد صاحبتي فمدينة اخرى كالتليا عندهم واحد الراقي فمدينتهم بنات عائلتها كاملين كايمشيوليه وعالجهم هااللي خدمات هااللي تزوجات وحتى صاحبتي عالجات عندو وتخطبات من بعد حتى واحد ماكان يدق بابهم المهم كالتليا نتاصل بيه اتاصلت وكالبا انتي ابنتي فيك العين والسحر ولكن متخافيش غترجعي كيف كونتي صافي صاحبتي تكلفات باش تصيفط ليا العلاج وصلني لقيت اوراق مكتوب فيها القران وحدة للغسل او وحدة للشرب ولقيت حجاب صغير سولت صاحبتي كالتليا هاداك هزيه معاك المهم شربت الما وغسلت وداك الحجاب ماعطانيش خاطري نهزو قلبت فالنت كاتبين انه حرام والرسول صلى الله عليه وسلم قال من تعلق تميمة فلااتم الله عليه عاودت هادشي لصاحبتي قالتي حنا غير كنعالجو راسنا كالتلي الى مبغيتيش بقاي هاكداك المهم داك الحجاب دابا عندي محطوط معرفتش كيفاش نتخلص منو وخفت من مبغيتش نهزو ليرجعلي عكس ولا شي حاجة حيت واحد السيد كان باغي يطلبني للزواج غير وصلني هاد الحجاب وهو يغبر ههه الله يخليكم واش الرقية كتكون هاكدا اواش التميمة اللي قال عليها الرسول (ص) هي الحجاب مع انه صاحبتي كالتليا هاداك غير قران باش يحصن من العين وشكرا ليكم
↧