سلام عليكم البنات انا ليوم جيت نخوي قلبي عليكم. انا مبقالي والو ونمشي لدار راجلي ان شاء الله. قررنا نديرو غير عرس صغير باش نفرح براسي وفنفس الوقت منخسروش الفلوس بزاف. المشكل عندي مع العائلة ديالي. من نهار قلت ليهم غدي ندير العرس في اقرب وقت وانا غير في المشاكل معاهم. في لول ديال شهر واحد بظبط نهار 03.01.2017 قلت ليهم راه العرس غدي يكون في لخر ديال شهر 2 ان شاء الله. ناضو تيغوتو وقالو علاش متشورتيش معانا هنا معندنا منلبسو والعرس بغينا ديريه في الصيف. لاعلم البنات انا كتر من 6 شهور وانا تنقلب على دار مع راجلي وكانو عارفين راه غير نلقاو دار للكرا غدي نديرو العرس. المهم مبغوش العرس ووليت تنسمع منهم راه مبغوش يجو العرس ديالي. انا صرحة بقا فيا الحال بزاف وبقيت تنبكي وصرتها وقلت مع راسي راه غير تيهضرو وصافي. من داك نهار مقالو لي حتى مبروك ولا نعونوك فشي حاجة ولا غير الله يكمل بالخير. انا قلت صافي مشي مشكل انا مفقصش راسي على والو. كانو شي ناس من العائلة عيشين في دول اخر بغاو يجو العرس ديالي ولكم مع ظروف مقضروش انا هضرت معاهم وباركو لي وقالو ماشي مشكل. انا فرحت حيت متقلقوش على العرس لي درت بزربا. الليوم هضرت مع هاد ناس في تليفون ونا نلقاهم كولهم مقلقين مني. سولتهم علاش ملكم. قالو لي علاش بغتي ديري العرس بزربا كون غير تسنيتينا حتال الصيف ونفرحو معاك ووووووو.. في اللخر عرف بئنا العائلة ديالي هنا هي لي تصلات بهم وعمرتهم علي. هما بحدهم من عائلة كلها لي كانو فرحانين ليا واخا كانو بعاد ويقدوش يجو العرس. دابا مبقا حتى شي وحد لي واقف معايا من غير اللم ديالي مسكينة. انا من صباح وانا نبكي. معرفت شنو درت ليهم حتى يعملوني هاكا. هاد زواج راه مجاش على غفلا. انا كنت عمين مخطوبة. ديما تنسمع الهضرة من جيهتهم وتاندير بحال الا مسمعت والو. انا بقيلي قل من شهر على العرس ديالي ومزال موجت ليه والو. معرتف ماندير حتى الام ديالي معرفة والو وهوما مقدموش لينا المساعدة ديالهم. انا غدي ننفجر دابا. مبقيتش قدا نصبر. هاد العائلة لي يديرة لينا المشكل هما عماتي وخلاتي. وهما لي قراب لينا بزاف بزاف وفي اللخر يجي منهم هادشي. انا عييت ولله مكرهتش ندير صاك ونمشي بسوكوتي لدار راجلي. مبقيتش فرحانا بهاد العرس :( انا معمري درت ليهم شي حاجة. انا راه قاد ولادهم وبناتهم.
↧