اخواتاتي الام ديالي اتاهموها بالسرقة بالباطل عاونوني الله يستركم

البنات انا الواليدة موالفة كاتمشي تتسوق اوكتشري على شي وحدين الملابس المستعملة تقريبا يوميا كتشري عليهم بزاف ديال لحوايج او اغلبهم كتصدقهم محيت والله الا كريمة بزاف او كايشفها المسكين او هي ماخاصها حتى خير وللاسف هادي يومين واحد خدام تما مشات تخلصو او مردلهاش الصرف نيشان قالتلو اولدي راك غالط في لحساب قاليه انت شفارة اوراك كتجي هنا باش كاتشفري اوراكي معروفة او شوهها حاولات تدافع على راسها ولكن قالتلي شمكار صعيب مقدراتلوش او الناس شي وحدين جاومعاها والبعض كانت نضراتهم فيها شك او دابا الواليدا كاتموتلي محيت فيها السكر طلعلها 3 والضغط او مكتنعسش او كضل تبكي محيت اتهمها او شوهت او هيا موالفا الخير او بنت ناس او مقدرناش نقولوها لخوتي او لواليد محيت غادي يضربوه او خفنا نكبروها... والحل الوحيد عندي نمشي انا عندو الصبح باغيا نبرداها لغدايد فيه باغيا نهدده بلي بغيت نشكي لوكيل الملك المهم بغيتكم تنصحوني شنو نقولو اوكيفاش نتعامل معاه بغيت الام ديالي تحس بلي راها قوية ببنتها بغيت ندافع عليها حداهم او نشوهو كيف شوها المشكلة معمرني طحت فشي موقف بحال هذا باش تنصحوني الله يبعد عليكم المصايب وولاد لحرام والله يفرج عليك