المقادير . العجين . 250 غ دقيق ابيض / 125غ زبدة رطبة / 1 ملعقة كبيرة سكر سندة / 1 ملعقة صغيرة ملح / 1 خمارة حمراء د الحلوى / 1 بيضة كاملة . الدقيق + الزبدة + سندة و ملح و الخميرة ثم البيضة كلها وادا لم تتجمع العجينة +2معالق ماءبارد. الحشوة . 250غ كرعة حمراء مفورة اومسلوقة / 5اصفر بيض /5معالق كبار سندة /1 ملعقة صغيرة زبدة /عصير حامضة /1 ساشي فاني /1ملعقة كبيرة زبدة. نضع الزبدة الاخيرة يعني ملعقة كبيرة في ماقلة فوق نار مهيلة ونضيف لها 5 معالق كبار سندة ونضيف كدلك ساشي د الفاني مع التحريك بملعقة من الخشب حتى تدوب سندة بدون ان تتحمر ثم اضيفى لهدا الخليط 250 غ د الكرعة حمراء مسلوقة او مفورة وعصير الحامض مع التحريك حتى تنشف من السائل الموجود بها وتترك جانبا حتى تبرد . الان ناخد العجين و نسرحه بالدلاك ونعمله في مول مدهون جيدا بالوبدة او الزيت ويرش بالدقيق وتثقب العجينة بالفرشيط لكي لاتنتفخ في الفرن . الفرن سخون 200 درجة ولما تطيب العجينة ناخد الكرعة المعسلة و الباردة نضيف لها الملعقة الصغيرة الباقية عندنا في المقادير وكدا 5 اصفر بيض ونخلط بالفرشيط شوي ثم نسرحها فوق العجين الي صار لونه دهبي ثم نرجعها للفرن تطيب 10 دقائق هنا لابد تنقصي العافية د الفران تكون مهيلة باش كتحرقليك العجينة . الان غدي نوجدوا المورانغ تنخدموها ب5 ابيض البيض + قبسة ملح اطلعيها بالضراب حتي تحصلي على كتلة ثلج + 3 معالق سندة اقشور الحاض بشوي بشوي ثم ضعيها فوق الطارطة برضيها الفرن 5 دقائق فقط لكي تاخد لونا دهبيا و بالصحة اسمحوا ليا هده اول مرة اشارك في منتدى. انا دابا سجلتها اما عرفت اشندير دابا
↧