:arb123-smilis-girls
السلام لبنات باغا نعاود شي حاجة وحشمانة من راسي ومنكم ههههه ، المهم أنا مخطوبة عن حب دام 8 سنين ودابا حنا داخلين فتسعة الحمد لله المهم تخطبنا خطيبي كان مدللني وكيقولي نتي الصغيورة ديالي ههه ونتي بنتي وأختي ... وأنا تعايشت مع هد الأمر ، فاش يكون فشي بلاصة يجيب ليا شي حاجة أولا مجابش يجيب داكشي ديال السقاطة المهم كيتفكرني ولو غير بشي حاجة بسيطة ، أختو ولدات أول ولادة ليها بنت كان مشا شرا ليها ومقاليا والو مامشيت معاه ما والو مشا بوحدو وأنا كنت معولا نمشي معاه حيت حتى أنا كنت باغا ناخد ليها شي حاجة وفرحت فحالا أختي ولدات ، حتى كنا جالسين مجموعين وهي تجبد واحد اللعبة وهي تقول شوف شنو جاب فلان لبنتي ومشافش فيا ( أنا كنقول هكدا البنات لأنو أنا إيلا تزادت عليا غير شي حاجة تافهة كتكون بخبارو وهو هكداك هدشي علاش ولفنا ) معجبنيش لحال ودازت معمري جبدتها ليه ، واحد نهار عاود كونا غادي نخرجو ومن بعد اتصل بيا وقالي أختي غتخرج مع ماما قاتلي نجي لعندها للدار نبقا ليها مع بنتها، ومرة أخرى عاود جابت أختو بنتها لعند أمها لأنها كانت غادة مسافرة هي وراجلها ، وكانت كتقولو الأم ديالو شدها ليا خلليها معاك ... دابا تبارك الله دارت عامين إيلا كانت عندهم فالدار راها معاه ، ويلا خرج يجيب ليها شي حاجة يعني خدات بلاصتي ههههههههه واحد النهار معقلتش شنو كان جاب ليها بالضبط خدات منو ومبغاتش عاد جا عطاه ليا ، البنات عارفا راسي كنهدر على بنيتا عندها غير عامين والله حتى عزيزة عليا ومللي كتكون حدايا كنبقا نلعب معاها ومنعرف شنو ندير ليها لكن إيلا دار ليها هو شي حاجة كنغير بهذ المعنى ههههههههه ، للي خلاني نجي نعاود هو مؤخراً جات باتت عندهم شي 5 أيام مكتبغيش تنعس فشي بلاصة من غير حداه ، وهو كيقولي را عندي ناموسية ديال بلاصة كتزيرني مغتخلينيش نعس مرتاح ... وكيقوليها سيري حدا ماما كتقولو لا كيبقا يضحك وكيخليها وأنا مكنقولو والو ، واحد النهار عصبني وأنا نقولو سير ألمربية ومعجباتوش ، ويمكن حاس بيا كنغير لأنو شي مرات كيقولي را غير بنية صغيورة مسكينة ، كنقولو ويلي أنا قلت ليك شي حاجة ،والمهم البنات كيفاش نتخلى على هد الإحساس على هذ مرض الغيرة للي ولا فيا على بنية صغيرة للي هو سبابو
السلام لبنات باغا نعاود شي حاجة وحشمانة من راسي ومنكم ههههه ، المهم أنا مخطوبة عن حب دام 8 سنين ودابا حنا داخلين فتسعة الحمد لله المهم تخطبنا خطيبي كان مدللني وكيقولي نتي الصغيورة ديالي ههه ونتي بنتي وأختي ... وأنا تعايشت مع هد الأمر ، فاش يكون فشي بلاصة يجيب ليا شي حاجة أولا مجابش يجيب داكشي ديال السقاطة المهم كيتفكرني ولو غير بشي حاجة بسيطة ، أختو ولدات أول ولادة ليها بنت كان مشا شرا ليها ومقاليا والو مامشيت معاه ما والو مشا بوحدو وأنا كنت معولا نمشي معاه حيت حتى أنا كنت باغا ناخد ليها شي حاجة وفرحت فحالا أختي ولدات ، حتى كنا جالسين مجموعين وهي تجبد واحد اللعبة وهي تقول شوف شنو جاب فلان لبنتي ومشافش فيا ( أنا كنقول هكدا البنات لأنو أنا إيلا تزادت عليا غير شي حاجة تافهة كتكون بخبارو وهو هكداك هدشي علاش ولفنا ) معجبنيش لحال ودازت معمري جبدتها ليه ، واحد نهار عاود كونا غادي نخرجو ومن بعد اتصل بيا وقالي أختي غتخرج مع ماما قاتلي نجي لعندها للدار نبقا ليها مع بنتها، ومرة أخرى عاود جابت أختو بنتها لعند أمها لأنها كانت غادة مسافرة هي وراجلها ، وكانت كتقولو الأم ديالو شدها ليا خلليها معاك ... دابا تبارك الله دارت عامين إيلا كانت عندهم فالدار راها معاه ، ويلا خرج يجيب ليها شي حاجة يعني خدات بلاصتي ههههههههه واحد النهار معقلتش شنو كان جاب ليها بالضبط خدات منو ومبغاتش عاد جا عطاه ليا ، البنات عارفا راسي كنهدر على بنيتا عندها غير عامين والله حتى عزيزة عليا ومللي كتكون حدايا كنبقا نلعب معاها ومنعرف شنو ندير ليها لكن إيلا دار ليها هو شي حاجة كنغير بهذ المعنى ههههههههه ، للي خلاني نجي نعاود هو مؤخراً جات باتت عندهم شي 5 أيام مكتبغيش تنعس فشي بلاصة من غير حداه ، وهو كيقولي را عندي ناموسية ديال بلاصة كتزيرني مغتخلينيش نعس مرتاح ... وكيقوليها سيري حدا ماما كتقولو لا كيبقا يضحك وكيخليها وأنا مكنقولو والو ، واحد النهار عصبني وأنا نقولو سير ألمربية ومعجباتوش ، ويمكن حاس بيا كنغير لأنو شي مرات كيقولي را غير بنية صغيورة مسكينة ، كنقولو ويلي أنا قلت ليك شي حاجة ،والمهم البنات كيفاش نتخلى على هد الإحساس على هذ مرض الغيرة للي ولا فيا على بنية صغيرة للي هو سبابو