

هاد التجفيفة كتعطي نتيجة تفرح القلب
كتبقى الدار نقية مدة اطول من المعتاد
والأهم من ذلك ان الطريقة لا تكلفك لا جهد ولا ماء كثير
جربتها عدة مرات
ولما ارتضيتها صارت معتمدة عندي
وقلت فخاطري نشارك بيها الاخوات
تبعوا معايا المراحل مع العلم عندي الزليج
واظن انها تمشي مع كافة انواع الارضيات
-
-
-
-
ارض مشطبة من الاتربة والاساس هو
ماء + مسحوق + جافيل
خوذي غراف به ماء + مسحوق التنظيف سواء تيد او اومو ماتيك او صابون البلدي او صابون الحجرة محكوك
+ ملعقة كبيرة جافيل لا اكثر وممكن نص ملعقة تكفي
لان جافيل الى كترتي منو كيضبب الارضيات
-
-
-
-
-
اذن العناصر الثلات هي
الماء + المسحوق + جافيل
كبي الغراف في كل انحاء الارضية وامسحي بالجفاف
اتركيه لمدة من الوقت
وهذا هو السر
هو تخلي الارضية تستفيد من الخلطة
مدة لا تقل عن 5 دقائق على الاقل
ثم جيبي كراطة وكرطي
-
-
-
-
-
الى كرطتي ماءا نقيا
فاذن مزيان كملي العملية
وهي تجيبي جفاف نقي معصر شوية
وتظيفي ليه قطرات من روح سانيكروى او سانيكروى
دوزي تدويزة وحدة
صاااااافي الارض نقية والريحة واااااااو
-
-
-
-
اما الى كرطتي وخرج لون الماء كحل وموسخ
اذن ضروري تعاودي تكبي خليط الغراف من جديد
عاد تكملي الدورة ديال سانيكروى
-
-
-
-
-
جربوها على حسابي وتهناوا من الحكان بالشطابة
وراه هاد النصيحة كانت قالتها لي خالتي وانا باقا بنت فدارنا
وما رديتش البال وما ديتها فنصيحتها حتى جربتها عاد تذكرتها ههههه
مع العلم ان خالتي كطير مع الطيور فالحداكة والنقا والتاويل
راكم عارفين ربات البيوت ديال مدينة فاس ..تبارك الله عليهم
-
-
-
-

