مساعدة، رأي...

السلام لبنات كنتمنى تنصحوني وتدعيو معايا وتوقفو معايا فمحنتي، أنا كنت تعرفت على واحد الشخص ، بغيتو وبغاني بقينا مع بعضنا واحد المدة خدم وجا خطبني، تفاهمو عائلاتنا ولينا كنجتامعو كلنا وكنسافرو مجموعين وكنوقفو مع بعضنا فالمناسبات وفالشدائد، تعطلنا في العقد على قبل الخدمة للي خدم خطيبي بغينا علاما يترسم هذا كان الطلب ديالهم ، فانتظارنا للترسام تنقص من الخدمة للي هو فيها ، تدمرنا وهكذاك بقا كيدفع و والو كلشي البيبان تسدو فوجهو، كان عندنا حلم الهجرة لأمريكا بالضبط، بقينا كندفعو للقرعة كل مرة مكتجيناش، وهكداك كيقلب ومرة يخدم مع أختو للي عندها وكالة التأمين ، مللي مبقاش مرتاح مع أختو فتح محل إصلاح وبيع الهواتف ، ولكن هذشي مغديش يعيشنا فالمستوى للي باغين ، هذ الأيام صادف واحد صاحبو كان خدام معاه قالو بللي أختو فأمريكا وبغات دير زفاف أبيض مع شخص باغي يجي لأمريكا شرط يعطيها واحد المبلغ ، جا خطيبي قالها لي قالي را السيدة عندها 45 عام وهو عندو 29 عام واش نقبل ، أنا رفضت وقولتو أنا شحال وأنا معاك كنتسنى النهار للي تجي تقولي نديرو العقد جاي كتقولي غندير مع واحد السيدة عقد باش تهجرني لأمريكا ، الله يعاونك وعطيتو شنو جاب لي فالخطوبة ، مشا عاود للأم ديالو وطلبها تجي تهدر معايا وتفهمني وتخليني نقتانع بهادشي ، وجات كتبكي وكتطلب من تفارقش مع ولدها ونخليه يصاوب مستقبالنا أنا وياه
أنا مع هذ الشخص 9 سنين بالخطوبة بكلشي آيييه ، مخطوبين دابا 3 سنين
منقدرش نزيد نصبر كتر ماصبرت ، أنا قلت صافي صبرت غادي نفرح بشي خبر ساعة قالك عافاك زيدي صبري فعمري 24 عام عمري كيضيع ، وكلشي عارف فلانة مع فلان عييييت ربي للي عالم بيا ، عاونوني أنا جيتكم من بعد الله
أنا كنبغيه ماشي مكنبغيهش وماشي بالساهل نقدر نتعرف على منغيرو وأصلا منعرفش ومنستحملش ، ولكن منقدرش نصبر مزال