بيتزا بالكومير رووووعة

السلام عليكم اليوم بقالي الكومير من الفطور اوى قلت اش ندير بيه يالالة.درتو بيتزا جا كيحمق راجلي حماق عليه .والاهم من هادشي كااامل مفيهش تمارة نهائها وكيتحضر في دقائق.وكاملين كنعرفو مكونات البيتزا انا درت فيه لاصوص دمطيشة درتها فالدار
الطون
الفلفلة مقطعة رقيقة
الفرماج مربعات
الموزاريلا
الزيتون الاسود انا شخصيا كنفضلو على الاخضر كايجي مداقو باين وزوين .
والزعتر.
الطريقة:
قطعت الكومير طروفا ودهنت كل وحدة بلاصوص طوماط +الفلفلة+الطون+الزيتون +الفرماج مربعات والموزاريلا ودردت عليهم الزعتر ودخلتهم لفران سخون شاعل من الفوق ولتحت.مكاملاش 5 دقايق غير داب الفرماج وتكرمل الكومير وخرجتو وهاهو واجد.صورتو ولكن معرفتش ندخلها هنا عافاكم وريوني