السلام عليكن ورحمة الله اخواتي في الله بغيت منكم تشاورو علي راني فحيرة كبيرة لجات ليكم من بعد الله والديا ناس محافضين عمرهم تدخلو فحياتي الزوجية المهم أنا مزوجة 8. سنين عندي وليد راجلي معصب وفيه الشك على ابسط حاجة المهم فائت تخاصمنا واحد النهار خرجت مشيت عند والديا كنت باكية أمي محتملتش تشوفني مجروحة من بعد خلط علي فتحات ليه الوالدة قاليها واش بنتك باغية الفراق قليها صافي قالت ليه أمي سير فحالك ونعل الشيطان المهم تصالحنا أصلا أنا غير كنت زعفانة المهم راجلي قبل ميوقع هاد المشكل هو من النوع الحكام والمغيار قاليا باباك ميجيش عندك بلا موعد قلت ليه منقدرش نخسر ليه خاطرو رَآه حرام تقطع صلة الرحم المهم فينما يجي كيقربلها علي والو راسو قاصح دبا من مورا الكلمة ليقاتلو الوالدة قاليك متجيشي عندي للعلم هو مكيخلينيش نمشي حتى يبغي واخة هوما قراب لي دبا أنا حرت منقدرش نصارحهم بهادشي أنا نفسيتي تحطمت عييت منهضر الحرية معنديش قاليك منستقبلهمش فداري قلت ليه واش نت تسمح فوالديك على ودي قالي هادوك والديا والديك نت مبيني وبينهم والو عافاكم قولوا لي اشنو الحل واش خصني نطيعه ولا اشنو ندير راني بين نارين كنتسنا ردودكم بفارغ الصبر
↧