السلام عليكم البنات انا لي كنت كتبت مشكيلتي مع الصلاة. الحمد لله وليت تنصلي وتنحاول نصلي في الوقت وتحمد الله لي بديتها وياربي نبقا عليها طول الحياة. اليوم جيت بمشكل جديد وسمحو ليا انا صضعتكم بالمشاكل ديالي ولكن راه متنعرف فين نمشي وعلى من نشكي. منين بديت نصلي وانا تنلاحض علي شي حاجات تيطراو لي جابو لي الشك انا خيفة بزاف ومعرفت مندير وانا بوحدي في الغربة. انا وليت نهار كولو دارني راسي بدون سباب ومنين تنمشي نعس تيجيني شي خوف كبيييييييييييير واخة تنقرا الاذكار. تنحلم احلام خيبة ومخيفة بزاف تنفيق في نصاصات اليل وتنتخنق بحال الا شي حد حط لي شي حاجة تقيلة فوق سدري. تنقرة القرآن والووووووو تنشعل سورة البقرة والوووو تنبقة على هد الحال حتال الفجر تنتنفس عاد فاش تنصلي الفجر. انا كل ليلة تيطرة لي نفس المشكل. معرفت مندير وليت تنخاف نمشي نعاس. وشفت فيديوهات على اعراض المس والحسد والعين ولقيت شحال من اعراض في. عفاكم عونوني ودعو معايا. اه ومنين تنفيق بليل تتشدني تبوريشة وتبقة فيا متمشيش ولكن هديك تبوريشة مشي ديال البرد انا تنكون صهظانا. ومنين نكون في هد الحالة تنقرا الاذكار والقرآن ولكن متنتحسنش. انا فكرت في الرقية الشرعية ولكن معرفتش كيفاش ندير ليها ا واش نقضر نديرها غير بوحدي. وانا دابا معرفاش شنو عندي واش مس ولا سحر ولا عين. الله يخليكم عونوني.
↧