السلام عليكم
شحاال هادي ما حطيت شي موضوع غير عدروني راني كنخدم غير من الهاتف حيت ما بقاش عندي لابتوب
اليوم جيت نخبركم بواحد البروجرام ديالي الي كنعتمدو من شحال هادي ولي الحمد لله لاقيا عليه نتيجة جد مرضية
انا من شحال هادي و انا عندي واحد الشوية ديال الخبرة في هاد المجال لانني كنقرى بزاف على الاعشاب و الفوائد و طبعا مع التطبيق باش نكون شايفة النتيجة بعينيا
بالنسبة للبشرة ايلا عتنيتو بيها واحد الشوية من وقتكم تيقو بي غادين ترتاحو كل واحد منا عندو مشاغلو مني انا و جبد كنجي من الخدمة في العيا ولكن كنحاول ما امكن ما نعجزش
اول حاجة غادا نتكلم ليكم عليها هو مزيل الماكياج اليوم كنقترح عليكم واحد لي تصوبوه راسكم غير مكلف و اهم حاجة كيغدي و كيمسح حتا الماسكارة
غادين نحناجو لقرعة ماء ورد و زيت اللوز
كناخدة الماء ورد نحيدو منو النص و نزيدو نصف ديالها بزيت اللوز و نحركوها مزيان و هاهو مزيل مكياج طبيعي ومن صنع ايديك ممكن تحتفضي بيه في التلاجة و هاداك الماء ورد لي كيدنا ما ترميةهش خودو شي فرعة صغيرة فيها رشاشة و عمروها بداك الماء ورد و ديروها حتا عي في التلاجة
غادا نشرح ليكم لاش قلت ليكم ديروها في الرشاشة حيت هي الطريقة الصحيحة باش تستعملي الماء ورد للوجه لان مني تتبقاي دهنيه يا اما بايديك يا انا بقطن ما تتستافديش منو او بالاحرى مكيدخلش للمسام وجهك بالطريقة الصحيحة
من هنا غنعطيكم جوج نصائح بغيتي بشرة بحال البيبي ؟
شربي الماء بزاف و كنأكد ليك عتبان ليك النتيجة على وجهك و كل مرة فاش تكوني في الدار رشي وجهك بداك الماء ورد لي حاطة في التلاجة و ردي علي الخبار انا هاد الطريقة نقصت لي الهالات السوداء لي كنت عانيت منهم واحد المدة و ما خليت ما درت ليهم
ندوزو دابا للعناية بالبشرة ضروري يكون عندك غاسول خاص بالبشرة ديالك و يكون يومي راه واخا تزيلي المكياج ضروري تغسلي وجهك بالغاسول في الليل قبل ما تنعسي و الصباح مني تفيقي مفاهمين ؟
و حاجة الي انا كنشوفها ضرورية هي الترطيب لي اغلبية هاملينو ولا كيرطبو وجهم و ينساو عنقهم واش في راسكم العنق اول حاجة تيبان فيها تقدم السن و الترطيب ضروري البشرة انا كنستعمل كريم الليل و كريم النهار ولكن انتم تقدرو تستعملو غير كريم واحد المهم نوصيكم بالترطيب
كنتمنى نكون فدتكم واخا غير بشوية و ايلا عندكم اي سؤال مرحبا و انا كندخل من الليل لليل و لي ستافدت بغيت منكم غير دعوة ديال الخير و شكرا
سكينة
شحاال هادي ما حطيت شي موضوع غير عدروني راني كنخدم غير من الهاتف حيت ما بقاش عندي لابتوب
اليوم جيت نخبركم بواحد البروجرام ديالي الي كنعتمدو من شحال هادي ولي الحمد لله لاقيا عليه نتيجة جد مرضية
انا من شحال هادي و انا عندي واحد الشوية ديال الخبرة في هاد المجال لانني كنقرى بزاف على الاعشاب و الفوائد و طبعا مع التطبيق باش نكون شايفة النتيجة بعينيا
بالنسبة للبشرة ايلا عتنيتو بيها واحد الشوية من وقتكم تيقو بي غادين ترتاحو كل واحد منا عندو مشاغلو مني انا و جبد كنجي من الخدمة في العيا ولكن كنحاول ما امكن ما نعجزش
اول حاجة غادا نتكلم ليكم عليها هو مزيل الماكياج اليوم كنقترح عليكم واحد لي تصوبوه راسكم غير مكلف و اهم حاجة كيغدي و كيمسح حتا الماسكارة
غادين نحناجو لقرعة ماء ورد و زيت اللوز
كناخدة الماء ورد نحيدو منو النص و نزيدو نصف ديالها بزيت اللوز و نحركوها مزيان و هاهو مزيل مكياج طبيعي ومن صنع ايديك ممكن تحتفضي بيه في التلاجة و هاداك الماء ورد لي كيدنا ما ترميةهش خودو شي فرعة صغيرة فيها رشاشة و عمروها بداك الماء ورد و ديروها حتا عي في التلاجة
غادا نشرح ليكم لاش قلت ليكم ديروها في الرشاشة حيت هي الطريقة الصحيحة باش تستعملي الماء ورد للوجه لان مني تتبقاي دهنيه يا اما بايديك يا انا بقطن ما تتستافديش منو او بالاحرى مكيدخلش للمسام وجهك بالطريقة الصحيحة
من هنا غنعطيكم جوج نصائح بغيتي بشرة بحال البيبي ؟
شربي الماء بزاف و كنأكد ليك عتبان ليك النتيجة على وجهك و كل مرة فاش تكوني في الدار رشي وجهك بداك الماء ورد لي حاطة في التلاجة و ردي علي الخبار انا هاد الطريقة نقصت لي الهالات السوداء لي كنت عانيت منهم واحد المدة و ما خليت ما درت ليهم
ندوزو دابا للعناية بالبشرة ضروري يكون عندك غاسول خاص بالبشرة ديالك و يكون يومي راه واخا تزيلي المكياج ضروري تغسلي وجهك بالغاسول في الليل قبل ما تنعسي و الصباح مني تفيقي مفاهمين ؟
و حاجة الي انا كنشوفها ضرورية هي الترطيب لي اغلبية هاملينو ولا كيرطبو وجهم و ينساو عنقهم واش في راسكم العنق اول حاجة تيبان فيها تقدم السن و الترطيب ضروري البشرة انا كنستعمل كريم الليل و كريم النهار ولكن انتم تقدرو تستعملو غير كريم واحد المهم نوصيكم بالترطيب
كنتمنى نكون فدتكم واخا غير بشوية و ايلا عندكم اي سؤال مرحبا و انا كندخل من الليل لليل و لي ستافدت بغيت منكم غير دعوة ديال الخير و شكرا
سكينة