استغفر الله العظيم

السلام عليكم و رحمة الله و بركاته
بغيت غي نفضفض و نخوي اللي فقلبي واخا انا عارفة كائنة حكمة د الله و الحمد لله فيها خير
وليت كتحس برأسي منحوسة وما عندي حظ فهاد الدنيا
مكنحملش نقول هكدا وما كنحملش نسمع اللي يقول هادشي على رأسو ولكن بلغ السيل الزبى
اللي حطيت فيها يدي ما كتيسرش
الحمد لله على لطف الله
اي حاجة بغيتها خاص حتا نبكي عليها بحرقة عاد ناخدها و هادا ايلا خديتها
حتا الخدمة من اللي دخلت لها دوزت فيها ايام سوداء كلها بكاء و توتر و احلام مزعجة تعرضت فيها للظلم وحاولت ندافع على نفسي ولكن بدون جدوى ولكن مع توالي السنين ربي خدا لي حقي الحمد لله
هاد الخدمة ما فادتني بتا حاجة لا سفر لا ملك ولا اي شيء من غير الأشياء العادية اللي كتمتع بها اي واحدة جالسة في الدار
دفعت هادي تقريبا خمس سنوات في شقة و مازال ما بغات توجد قاليك عندهم مشاكل
الزواج اي واحد عطيته فرصة او جا للدار مكيكملش لسبب من الأسباب او بدون سبب
بغيت نشري سيارة و حلمت و ترجيت و حتا كنقرب وما تتكملش كذلك لسبب من الأسباب واخا ما مقتانعاش به
كنقضي الغرض للناس و ما كتلقا غي نكران الجميل و التجاهل
ما عنديش حيّز د الحرية ممكن نتحرك فيه
ايلا جئت نعاود لكم بالتفاصيل رَآه بزاف
كنحس راسي هاد الخدمة هي اللي دايرة لي شوية د القيمة ولو ما هي منعرف كاع كي غنكون
اي حاجة عندي فيها فرح لحظي سرعان ما كيتبخر
ربي عالم بالي فقلبي وما كنآدي حد و مداومة على فرائضي و الأذكار وكنحاول نرضي الله مكنتعدا على حد
كنشوف الناس غادية في حياتها و كتقدم و تغير و تجدد و أنا في بلاصتي كما انا رغم السنين اللي كدوز و رغم انك ما خاصك والو من جميع النواحي
و لكن ملي كتحس بالقهرة من ناس قراب لك هنا كتوضع علامات استفهام كثيرة خصوصا لأنك منهم بالذات مكتوقعش تعامل معين
بديت كنعيا استغفر الله و الله حتا بديت كنعيا و لولا إيماني مكنتش عارفة شنو كنت ندير
راه كاع الأفكار كدور لي بدماغي ولكن مشكلتي انني كنخدم عقلي و عاطفتي في نفس الوقت واخا هاد الاخيرة كتغلب
حتا الاعصاب تركبو فيا بكثرة الضربات و الصدمات اللي تلقيتها
الحمد لله على نعمه و استغفر الله العظيم من كل ذنب عظيم