على باب الطلاق و انا نفيسة

السلام يا جميلات ...هادي اول مرة نشارك معاكم بمشكل ..انا فعمري 29 عام مزوجة هادي عام و نص من بعد خطوبة د عامين..و دأبا راني واقفة على للطلاق ...مشكلتي مع زوجي انه كيسب و كيشتم على الكبيرة و الصغيرة و كيستعمل كلام الزنقة اول مرة تصدمت لاني كإبرة فوسط محترم ما عمري سمعت بابا كيسب ماما أو العكس. .و هو كان كيعتذر و كيطلب مني نعاونو في التغيير و صدقتو و لكن داكشي غي ما كايزيد حتى ما بقاء يعتذر بالعكس كايقولي نتي السبب كاتستافزيني. ..حسيت براسي كاندبل و كانطفى نهار مور نهار فقدت الرغبة و حب الحياة الزوجية و الحب اللي كان عندي ليه ولا خوف...كنت ناشطة و ضاحكة كيعجبني الخروج و الشطيح و الماكياج شوية بشوية وليت كنفقد هادشي كلو. .انسان عصبي ديما كيطيح بيا و بعاءلتي إ رغم ذلك صبرت معاه و قلت نحاول نكمل و لكن رآه صعيبة ا البنات الكلام اللي ادا سمعتيه في الزنقة كتحماري و تهربي تولي تسمعيه فدارك و من راجلك كل كلمة كايقولها كتهرسني. ....حملت مور 7 أشهر و دازت عليا قلت نزيد تصبر حتى يشوف ولدو و غادي يتبدل لكن للأسف تبدل للأسوأ بحال ما بغانيش نحس ان دا الولد غادي يزيدني شي حاجة وصلت به الوقاحة انو كيخرج نهار كامل برا و كياكل برا و يخليني انا من بعد الفتيح مع الصبي بالجوع مت يجيبلي تقدية مت يخلي فلوس جات ماما عندي ليلة ديال vaccin تنفخ و عاملها خايب انا موراها قطعت الهدرة و كنت مريضة بالسخانة د النفاس ...هو حيت قطعتلو الهدرة عيط لبابا اللي فمدينة أخرى قالو اجي نتافقو على الفراق. .جا بابا قالو ما تبقاش تجي مها كتعوجها علي. ..انا من هادشي كامل قتلو خلي المشاكل و خليني نمشي مع والدي نرتاح راني مريضة و ما قادش نقابل الولد صعيب شي أيامات و نجي رفض و بقا يقولي نتي ماشي مرة و ما قادش قدام والديا ديك الساع شعلت و جاوبتو و قتلو انا غادي نمشي و اللي فجهدك ديرو. ..و فعلا جيت و هو عيط لي من بعد قالي الطلاق و عيط لوالدي سبهوم مزيان لدرجة بابا بكى صافي ديك الساعة كرهتو و حلفت لا باقي رجعت مشيت جمعت حواجي و جيت دأبا شهرين كيسيفط مسجات مرة رغيب مرة معيار مرة تهديد و عمرو جا ولا شاف حتى ولدو منين كانت عندو 20 يوم
تفاصيل كتيرة ما عاودتهاش و ربي اللي عالم بها ..انا كنقول الحمد لله قدر و مكتوب. ..و لكن بقى في ولدي كنحس انا السبب اللي اختاريت ليه آب ماشي فالمسألة
كنت محتاجة تعاود لكم و نسمع آرائكم و عفاكم دعيو معاي و مع وليدي. ..