و أخيرا حققت مشروعي و لكن.........?

السلام عليكم يا جميلات المنتدى اليوم حسيت بقلبي عامر و بغيت نفوج عليه معاكم المهم من بعد 3 سنين ديال التفكير كيفاش نطرح مشروعي على أرض الواقع و التخبط بين الأفكار الإيجابية و الأفكار السلبية و البحث على الفلوس للي محتاجة باش نحقق مشروعي حيث ما بغيتش الكريدي ديال البنك و كان هو الحل للي قدامي راكم عارفين شكون غادي يسلفك هاد الزمان أو مع ذلك صبرت أو كنطلب الله يدير لي الحل ليل و نهار و ما زاد الطين بلة جلست من الخدمة للي كنت فيها لأسباب قاهرة أوما بقا قدامي غير المشروع خاصني نديرو أو لاباس عندي بنياتي و متطلبات الحياة كثيرة و خاصني نعاون الزوج ديالي تكرفست فالأول بزاف و لكن مع الإصرار و التوجه الى الله و استغفاره شاف مشروعي النور 3 شهور هادي بلا كريدي ديال البنك يارب لك الحمد كثيرا و دبا بغيتكم حبيباتي دعيو معاي ايسر لي الله باقي ماتمشاش مزيان أنا عارفة البداية صعيبة و خصني الدعاية باش نتشهر و لكن مشكلتي ما حاطة تحت مني حتى درهم باش نواجه المصاريف ديال الكراء ......الخ

عفاكم دعيو معاي بزاف محتاجة دعواتكم بتيسير الأمور الله يرزقكم من حيث لا تحتسبون يارب