السلام عليكم أخواتي اليوم بغيتكم تعرفو قصتي قراوها وحكمو أنا تزوجت عندي 17 ونصف مللي تزوجت كيقولو ليا دارنا ماتولديش باقا صغيرة وعكوزتي حتى هي قالت ليا ماتولديش دابا حنا باقي عندنا الدراري صغار ما خصنا ولاد دابا المهم داز العام الأول كنشرب الفنيد داز العام التاني كذلك حيث زوجي كان مغترب فاش بدأ العام التالث مشايت مع راجلي لبلاد الغربة هنا ما بقيتش كنشرب الفنيد بقيت معاه عام ما حملتش جينا للبلاد عطلة جلست كاندوز ونشرب في العشوب حتى تهلكت وفين ما تلقايت مع الناس يسولو كاين شي وعكوزتي حتى هي كل مرة كتقول ليا ضعفيتي درتي بالك مع الولاد المهم دوزت هاديك 3شهر بحال 3 سنين رجعنا لبلاد الغربة وقرر راجلي يدير التحاليل وكانت المفاجئة زوجي عنده إنعدام الحيونات المنوية تقبلت الموضوع وعمل العملية الأولى ولكن لم يتغير شيء مع العلم زوجي عندو الخصيتين ملعقتين دابا هههه ولاو عائلتو كيقولو ليا صبري هو راه كيموت عليك والمهم هو ماشي الأولاد مللي كنمشي لدارنا كيقولو ليا تطلقي 11 العام هاذي ونتي مزوجة بقيتي بلا ولاد قولو ليا خاطر من ندير أنا معذبة في نفسي بزاف راجلي مزيان موفر ليا كلشي حالتنا المادية مزيانة ولكن أنا دائما كنحس بالنقص اللي عندها شي كلمة او نصيحة تقولها رشدوني لطريق الصواب فاش كنتفكر الولاد كنحس بالحرقة في قلبي
وزوجي واخا هكاك هاني أنا اللي كنتعذب بزاف آش ندير وشكون اللي مرت بنفس التجربة تساعدني
البنات أنا خايفة غا نضيع راسي على والو ويجي شي وقت اللي نولي فيه وحدانية مع العلم أن زوجي هو الكبير في خوتو وهو اللي كيصير عليهم حيث واحد لوسي ما كيبغيش يخدم والآخر باقي كيقرى
وزوجي واخا هكاك هاني أنا اللي كنتعذب بزاف آش ندير وشكون اللي مرت بنفس التجربة تساعدني
البنات أنا خايفة غا نضيع راسي على والو ويجي شي وقت اللي نولي فيه وحدانية مع العلم أن زوجي هو الكبير في خوتو وهو اللي كيصير عليهم حيث واحد لوسي ما كيبغيش يخدم والآخر باقي كيقرى