السلام عليكم ياربي نلقا ليعاوني وخا غير بدعوة طفي الغضاب رانا عايشة في العداب

السلام عليكم كنشكر صاحبتي مظلومة عطاتني نحط مشكلتي هنا قالت لي بلي راه هنا كاينين ناس يسمعوا ليا ويفهموني ويرشدوني كيقما هي عاونتوها شحال هادي .المهم انا سميتي فاطمة عندي جوج بنات وحدة فتاني والاخرى طالعة تحضيري .موظفة انا وراجلي قطاع عام .كنت قبل من تزوج كنصرف على دالرنا منضتي كلها ليهم تعرفت على واحد ولد ناس معايا قلتها لدارنا ماما مبغاتش بزز باش خديتو غير جدتي غلبات فيها .كتقول هي انا قريتك باش تعاونيني نوصل خوتك .مهم تزوجت صراحة كنا كنحماقو على بعضيتنا انا وياه واخا مشاكل ديال دارهم تغلبنا عليها بصبر ومدابزة وكلشي ماما منسيتهاش كنت نعطيها مرة 3000 درهم مرة 1500 درهم ديما هي كتقول لي معنديش مبقاش ليا دفعاتني نتسلف بلا خبار راجلي ونعطيها معمرها فكرات فيا قاصحة معايا حتى باش نولد مبغاتش مين كتجي شي وحدة دعي معايا تقولي الله يعطيك شي ولد باش تخاوي بناتك كظور فيهم كتقول ليهم اش بغاتو تحبس باركة واخا هي ولدات 6 .بابا درويش غير هو مكيعطيعاش لفلوس كيقمر انا كنت كنعطي بدوبل واحد المرة كنت كنتخص كنتسلف من عندها انا وراجلي مين كنعطيهوم ليها كتقولي هادو ندخلهمم فمصروف خوتك وجمعات علي 3300درهم بلا موجب شرع .مهم خوتي كبرو تاواحد مخدم من غير واحد فلكبلاج كيعطيها 1000درهم شهر وكتر كيجي بابا كيخود ليه 500 كتقوليه دور مع خوتك كل واحد كيعطيه 50 درهم هما 4 وعاد كتبقا عليه جيب ليا دوا حيت فيها سكر كل مرة خالقة حجة بلي هي بسبابنة مرضاتش حيت خمات علينا ومخلات مدرت عند ناس مهم .مهم مرة بابا كيعطيها مرة لا فرمضان صرف هو العيد كيشريه .وكتكدب علينا كتقول مكيعطيها واحد المرة تسلفت 4000 درهم عطيتها ليها جلسات عليا والو كنموتوا بجوع الحولي والو .وفي الاخير من مشيت هدرت معاهه لقيتو عطاها 3000درهم من واجهتها قالت لي وافلوس باك تاهما فلوس مشيت عندها نولد عطيتها الفلوس حيت فتحت كدبات علي قالت لي عطيت طبييبة 1500 درهم رشوة .وطبيبة ديانية سكت .مهم كنا مديرينش سكنا انا وراجلي قالي فلوسنا ماشيا غير هاكاك ناض دار كريدي لدار معجبهاش لحال حيت مدرناش بنص .صراحة انا ليمبغيتش ندير معاه كنت كنفكر من تصفى منضتي ناخد شي دار الوالدي غيرة سعا كنت كنحلم .المهم عاونت حتى راجلي ودرت كريدي 4 مليون نوطير عطيتها ليه .المهم بقيت كل ساعة انا جاية وفا سلف حتى لقيت راسي وصلتها 15 مليون غير بكل مرة ناخد شوية واحد خوية جاتو خدمة فواحد شركة قالت ليا انا كبرتك وقريتك عاونيني فخوك تسلفت جوج مليون عطيتها ليها فالاخير خرج منها وجلس الارض .فرشت ليها دار شريت ليها تالاجة وتلفازة والفران وفرشت صالة كريدي .عاونتها فقرايتهم وحدة فخوتاتي جلسات من القراية ولات بركاكة ليكانت كتوصلها ليها حتى تفاقمات مشاكل غير بتوصال الهدرة ماما فيهاالفوحان مع صحابات كيعجبها تعرض عليهم تصاوب الحلوة ليهم .وانا الا مصرفت وخلصت والله لخديت شي حبة المهم تزيرت كريديات وبقيت كنعطيها مرة 200 مرة 300 درهم وتمويل كل شهر دابة قالت لي شلا اش كتعطيني شةوفي لالياتك دارو نص فدار مع رجالاتهم وانت يالحمارة دابة يلوحك كتخدمي وكتعطيهم ليه غير هاد العيد كسيتها هي وخوتاتي وبابا 24 الف وحق الله العظيم ليكتسلني المرة شبعات فيا معيور هي واختي غير جالسة فدار وكل مرة صبايغ وكسوة فشكل وانا مكنكساب حتى سليب مقاد .كبرتني بالخوف منها ودابة جرات عليا انا وبناتي مندار كنكتب ليكم ودموعي كتفيض بغيت نعرف شنودنبي كرهت حياتي قالت لي ماتجيش عندي واخا تموت وربحي ببناتك واختي مخلات فيا كلبة حشاكم كاع لمعيار سمعتو .راجلي شد فخاطرو ومابينيش قالت لي انا داك لعطيان بلاش منو مصاحبة مع ناس الفيلات وكتشوفهم وبغا تعاند منهم خويا لخدام طلع ليه دم قالي انا اش من فضل فهاد الخدمة حتى سروال معندي .عمري عقلت عليها عاملاتني مزيان بلا مندهن يديها بلفلوس.عييت والله بتاتي تيقولوا لي ميمة جلرات علينا واش حنا خايبين
خويا صغير وبابا كيجيو يشوفوني بتخبية .راجلي داير مستحيل واخا مسكين مخلات مدرت فيه هاد العام بحشيان الهدرة .وصبر على ودي .سمحو ليا راه مالقيت علامن نحط راسي غير عليكم حاسة براسي يتيمة وبرانية فهاد الدنيا.هادشي غير شوية من بحلر معاناة