لبارح كنا مسافرين انا وراجلي ونضرا لبعد المسافة ختارينا القطار كوسيلة اسرع على الطوموبيل.المهم فاش كنا غادين ونظرا لانني مكنسافرش بالقطار الا فين وفين تصدمت بالاغراءات للي على برا ..البنات مكاين غير العري واللبس الغير المحتشم وتعجبت لهاد العائلات للي كيخليو بناتهم يخرجو هاكا.حتى انا كنت بنت وماسي بزاف ومكنتش كنغطي شعري وحتى انا صغيرة ولكن للي شفت هاد العام بزاف ..غاديين وكيقلصو حجم للباس..سايات وكساوي قصااار بزاف يكاد تبان مالايحمد عقباه.وانا بيني وبينكم بقيت حاضية غير راجلي مرة مرة كنسرق الشوفة.وهو عاااايق بيا.وانا لابسة كسيوة طويلة ودايرة حجابي .وقلت عنداك غير الراجل يدوخ بهادشي ...او بزاااف مبقاتش كاع الحشمة .كنتسائل فين هما هاد الرجال لي مخليين بناتهم وخواتاتهم يخرجو هاكا.وانا غير عامين هادي كنت كنلبس السروال الى ملبستش شي حاجة طويلة عليه تنوض مندبة فالدار واخا مكنت كندير لاحجاب لا والو.ولبارح نيت وقع واحد الموقف لوحدة من هادوك لبنات فالمحطة ..تبسل عليها شي حد وهي مسكتاتش بدات تعاير..ولكن هو مخلا فيها غير للي نسات نعتها بجميع المصطحات.كون كانت محترمة لبسها ومحترمة الناس للي معاها ميوقعش ليها هاكا وفنص الليل.اوى السيدات كيفاش كتصرفو نتوما واش متافقين معايا فرايي؟
↧