السلام عليكم
البنات بنتي دابا فلاكغيش عندها ربع سنين
جوج مرات حتا لتلاتة المرات فالشهر كيخرجوهم كيديوهم لشي پارك كبير او كيديوهم لمسرح ديال الوليدات الصغار او للواحد الغابة صغيرة كاينا فين ساكنين حنايا كيتمشاو فيها و يلعبو و يرجعوهم
المهم كيديرو ليهم ديما انشطة خارجية باش الوليدات مايملوش و يغيرو الجو
دابا باغين يديوهم لمدينة اخرى قريبة لينا فيها واحد الغابة كبييييرة
غادي يديرهم بالطوبيس من بعد خاصهم يقطعو الواد rhein (الواد كبييير ) غادي يقطعوه فالباطو
عاد يرصلو للغابة
الغابة كبييييرة بزااف و فيها بلاصة ديال الوليدات الصغار فيها الالعاب مختلفة
انا خالعني هادشي و خفت على بنتي اولا من داك الباطو خفتها تطيح منو ولا شي حاجة
و عاد الغابة راها كبيييرة خفتها تتوضر ولا يشدها شي حد تما يخطفها و يدير فيها شي مصيبة
باباها كيقول ليا خلي البنت تمشي واش ماغاديش هاد البنت تلعب و تنشط مع الوليدات بحالها غادي تبقاي ديما خايفا عليها و شاداها حداك وووو
و لكن انا خايفا بزااف
مشيت سولت المربية ديالها قالت ليا 20 طفل غادي نكونو حنايا 3 المربيات
قلت ليها واش ممكن نمشي معاكم انا و نحضي بنتي الراسي و نحضي معاكم حتا الوليدات الخرين منها نيت نعاونكم :arb123-smilis-girls قالت ليا ممنوع
ملي شافتني خايفا قالت ليا راني 20 عام و انا كندير هاد الخدمة و ديما كتخرجو هاكا بالوليدات معمر شي حاجة وقعات راحنا كنديرو خدمتنا مزييان و كنكونو بقسمين كلشي بيناتنا و منضمين كلشي بيناتنا و بين كل مرحلة و مرحلة فالرحلة كيتحسبو الوليدات جوج و تلاتة المرات معمر شي حاجة وقعات ولكن ماعمرني نقدر نضمن ليك شي حاجة 100%
حرت و الله
انا كنقول مانخليهاش تمشي هاداك النهار نخليها فالدار و نتهنا
و باباها كيقول ليا خليها تمشي و حتا هي فرحانة لهاد الرحلة بزااف
و مابغيتش نحرم بنتي من انها تتمتع بهاد الفترة ديال لاكغيش و انها تكون بحالها بحال گاع الوليدات لي فالسن ديالها
لي قلتها ليه فالصحاب و العائلة كيقول ليا خليها تمشي
و لكن بصراحة انا كيجيوني هادوك لي كيقولو ليا خليها تمشي ماكيفهمونيش
حتا راجلي ملي بقا كيقول ليا خليها تمشي خليها تمشي قلت ليها الا طاحت من الباطو و غرقات و ماتت و الا شدها شي حد فالغابة و اخطفها او اغتاصبها و قتلها
و الا توضرات ليها فالطريق ملي يكونو غاديين ولا راجعين
راجلي تخلع ملي قلت ليه هادشي باقا غير كيشوف
انا جاني هو مافكرش گاع فهاد الاحتمالات
و هو جيتو انا بحال شي حمقة و موسوسة كتاار من القياس
المهم الراجل تخلع و قاليا دابا مابقيتش نقوليك خليها تمشي قلبتي ليا دماغي بهاد الهضرة ديالك
اشنو بان ليكم البنات واش انا كنزيد فيه ولا عندي الحق
خويا كيقول ليا نتيا حمقة و غادي تخرجي على ديك البنت بهاد الوسواس ديالك
اشنو رأيكم و اشنو تديرو فبلاصتي
بعد المرات انا كنقول راني زدت فيه خلي البنت تمشي تفوج
و بعد المرات كنقول نخلي بنتي حدايا
الرحلة مدتها يوم واحد غادي يبداوها مع 8 الصباح و مع الستة و نص العشية نمشي نجيبها من لاكغيش
ماذا سوف تستفيد من الدورة 
بإمكانك الحصول على الدورة على موقعUdemy 
